إني أرى روس أينعت

[ثامر العنزي]

قصيدة وارجوا أن تنال إعجابكم . والقصد منها مادة الشعر فقط لا شخص بعينة


[poem=font="arabic transparent,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]


إني أرى روس أينعت قد حان وقت أقطافها=كيلا تقوما قائمة / شاعر حداث وقرقعة

أهل الطلاسم والبدع / والكركرة بأصنافها=اللي يحسبون الشعر صفت حروف مجمعة

أهل الهجين أمن المعاني والأصالة عافها=بأسم الحداثة يرتكب جرمة وجمهورة معه

حنا بلينا في بشر شعورها / وأعلافها= سبك العجيب إمن الجمل وتسوّقة للإمعة

سبك (ن) عجيبي والعجب لو تسئلة وأهدافها ؟=عجّل يجاوب في غثى ودّك بعينه تصفعة

وشو جرابيع الأمل هاجت فزع كشافها=يوم إن ضوّة لازني قرّب ونورة سطّعة

قلب السما / بزق الهوا / والشعوذة وأعرافها=إتقول جنّه في ثول او إن جنّه مقنعة ؟؟

غاز الجفا / بلف الغدر / سستم ضلوعة لافها=وفتّيل قلبه يشتعل وشوي تسمع فرقعة

تبّا على هذا شعر باهزالها وأضعافها=بأسم الحداثة والهدف توضيح شي(ن) موجعة

مانع يسميهم سفة . وأثرة حقيقة حافها=لأن الحداثة عندهم زي الجحش والبردعة

يا هيب يا أمة حدث تقطف ( ثمر ) صفصافها=من هرطقة حدّث اتى قوم(ن) وجمّع مدرعة

يا قوم يا مال المرض .. والخيل من عسافها=فكري تحجّر من زمن .. فسّر وياربي رعة

تعتع مطوّرنا كذا يكتب جمال أوصافها=يعني كذا وصف النوا لا بد قبلة تعتعه

أتقول عملة من عبط ما ينعرف صرّافها=ديدن تقدّم عولمة بدّل عقال بقبّعة

حنّا بلينا بالهبل أهل الصور وأغلافها=ناس(ن) تهوبد بالخطأ ما والله والله تدفعة

ناس(ن) غريب (ن) أمرها يالله يا خلّافها=أكبر همومة فجوة(ن) يدخل بها للمعمعة

البعض منهم شاعر(ن) متمرّس(ن) في قافها=لكن كما قالوا قبل أطحين ما .. بس جعجعة

لوّ الفراهيدي يجي ويشوف رسم أطرافها=اقسم يصيح إمن القهر ربّااة .. يارب السعة

الشعر ديوان العرب حاضر هنا .. واسلافها=عبر القصايد فعلهم لو ما تشوفة تسمعة !!

أنظر الي فيما مضى وأنظر بعد بأخلافها=تلقى زحازيح الشعر كل(ن) لعب في مرتعة

أهل الحصون إمّنعة ما يتعبّن اخفافها=أشعارهم من جودها سهل(ن) تسوي زوبعة

بندر ومسلط والسرا واجد عداد ألّافها=أهل القصيد اللي سما فوق الخيال وسنّعة

اللي بدايعهم بقت عبر الزمن ما طافها=ماتوا شواعرها وإهي حيّة وهين مطبّعة

ماهي قصايد هالغنج تمشي تهز اردافها=أستغفرلله من شرا هاللون .. في سوّة بعة

أما زمن حدّث لأجل نسمو بعيّد اجحافها=ودّك تقضّب به كذا وتصوفقة ثم تقلعة!!!!! [/poem]

وسلامتكم .

[شيخ الشيوخـ]

صح لساااااانك ملايين

ومانلومك في اللي قلت

الشعر ديوان العرب حاضر هنا .. واسلافهـا

عبر القصايد فعلهم لو ما تشوفـة تسمعـة !!

وبندر ومسلط

بندر هو بندر بن سرور
ودي اسئلك عن مسلط ؟

ومانع اللي تقول ترا ضيفنا هالفتره ياثامر

وبيض الله وجهك على قصيدتك

[اصايل]

حياك يالعنزي في محلك


قصيده رائعه ونفس طويل تبارك الرحمن


صح لسانك واعتلا شانك


لاهنت

[ثامر العنزي]

صح بدنك طال عمرك

وسعيد بأن يشرفني شخصك الكريم في كل مشاركة لي

لا خلا ولا عدم طال عمرك ..

نعم هو بندر بن سرور ..يرحمة الله ويغفر لة وهو غني عن التعريف
أما مسلط
فهو الشاعر والفارس والشيخ / مصلط بن هذال ( أخو نوضا)
فارس معروف وقد رثاة نفسة قبل وفاتة قائلاً
قال الرعوجي مسلطا واف الاشبار// عصر الخميس وحفرتي جددوهـا
شدو وخلوني على دمنـت الـدار// وحسايفي حتـى عباتـي خذوهـا
الي اخر القصيد
وأيضا رثاء صديقة الشاعر والامير محسن الهزاني
قائلاً ..
ياراكبن من فوق مثـل السبرتـات// حمرا فتـات عـن لقاحـا معفـات
تلفى الكواعب من بنات العمـارات / / يبكن اخو نوضا على راس ماطـال
يبكن ابدما ليـس بالدمـع يخلـط // يبكـن زبـن العندليـات مسـلـط
والله فلا مثله علـى الخيـل يقلـط // ولا نقلـن الخيـل مثلـه ابرجـال
يالبيض كبـن الحلـي والعشـارق // وابكن اخو نوضا امـرو المطـارق
هو حرزها وان جللوهـا المعـارق // ولحق الوسيق ورد الاول على التال
الي اخر القصيدة

اما مانع بن شلحاط فنعم الرجال والشاعر وسعيد بتواجدة في منتداكم العامر .

والسموحة على التطويل

مرة ثاني شرفتني في تواجدك طال عمرك

[الأدميرال]

ابدااااااااااااع ياثامر العنزي
صح لسانك

[ثامر العنزي]

شكراُ اخيتي اصايل على هالتواصل لا خلا ولا عدم وصح بدنك

والروعة في وجود ذائقة غنية كذائقتك تشاركنا الجمال
دمتِ كما يحب الرحمن ويرضى .

[ثامر العنزي]

صح بدنك يالأدميرال

والإبداع والله في تواجدك ودعمي لا يهونون الاخوة والخوات

تسلم ..

[شيخ الشيوخـ]

بيض الله وجهك ياثامر وقصيدة الهزاني سمعتها في ديوانه الصوتي ولم اكن اعلم من هو مسلط
كما نرجو منك ان لاتبخل علينا بما تملك من سيرة هذا الفارس ومن اشعاره فان مدح الهزاني لم يأتي من فراغ ومليون نعم بالرعوجي
تحياتي وتقديري

[بنت شمرالطنايا]

صح لسانك

واعتلى شانك

يعطيك العافيه

اختك بنت شمر الطنايا

[ضيف الله السميري]

العنزي



صح لسانك مدد



اجدت وابدعت



تحياتي لك