اليكم بعد السلام عليكم هذه ابيات مع ردها لها مايقارب العامين حصلتها في الارشيف وهي بيني وبين الشاعر نادر بن دريميح السليس وانا البادي لعلها تنال شي من اعجابكم
[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماعاد فالدعوى يانادر اعلومي=لابد مايوخذ احساب المصافيط
ولال التشره حسب ظني لزومي=هذاه رايي وانت ابكلش محيط
ماصار ماهبط بتوع العزومي =لوهو زمان معفط القيل تعفيط
النحت يبقى والرسم مايدومي=واهل المعرفه ماتمشي الخرابيط
لوشجعوها مفختين الايمومي=وعلى الوكور تحط حتى الشبابيط
والك التحيه ياحفيد القرومي=واحكم على كل العلوم المرابيط[/poem]
رد ابومحمد وابيوته تاتجي ازين من بيوتي لاني اعرفه معرفه شخصيه من قبل عشرين سنه وهو شاعر وانا ايامها في بداياتي
[poem=font="simplified arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا عداد وبل الغيومي=واقلط على حمر الزلول المباسيط
مع كيف بن وفالصياني شحومي= في مجلسٍ فيه النشاما مقاليط
في راس عيطا عن لهيب السمومي=ومبداك في روس الطوال النعاطيط
هذا وانا وقت الزومي بلزومي=اسرج ظهورالخيل واضمر العيط
واجلس لهن تسعين مره واقومي=الشرد الي يتعبن الواقيط
فهيد فزع كل قبا قحومي=ويقطف زهر وايغوص في غبة محيط
تنشر لاقال البيض في كل يومي=والسود تنشر فوق روس الجحاليط
والي على المشراف دجاج رومي=لوزينو ريشه بكثر السلافيط
وبيت الردا لوزخرفه مهدومي=ولاخير في هاك الوجيه الزعاميط
وشرواك ياذخر الاحرار محشومي=لاشافته برق الحباري مخابيط[/poem]
| 
|
10-22-2009, 08:22 PM
العرض المتطور
