..يامل عين ن عن كرى النوم صايمه...

[البارع]

تجربتي الاولى على الطرق الهلالي علها ترتقي الى ذائقتكمـــ ,,,

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامل عين ن عن كرى النوم صايمه=كنه خطيه والخطا عنه شايمه
والمستحل الــ نومها مادرى بها=اتنام و الا عل ما هيب نايمه
والقلب هايم بالضحوك المد لله=يالايمه ليه الملامه يالايمه
خلت حدوده حكم ذاتي بحكمها=تعطيه اوامرها على كل قايمه
كن الشهد في عينها مثل لونها=والا الثغر برقن برق وسط غايمه
والليل لاهلت جديلٍ زهى بها=كنه عليها تو ماحل خايمه
وكن العبير ان صافحتني يدينها=يفوح ريحه من مخارج قلايمه
ياوجد حالي كل ماشفت زولها=وجد الصغير اللي فقد حضن رايمه
وياوجد حالي لاطرت لي وصوفها=وجد المظام اللي عجز دفع ظايمه
غرقت في بحر الهوا من عرفتها=واثر البحر ماكل سباح عايمه[/poem]

[فهيد مقعد الرويس]

صح لسانك

يالبارع

تحيتي وتقديري

[البارع]

المشاركة الأصلية كتبت بواسطة فهيد الرويس صح لسانك يالبارع تحيتي وتقديري

صح ابدانكـ يافهيد ... وشاكر لكــ المرور ,,, ..تقديري...

[سلطان بن محسن]

البارع صح لسانك وبيض الله وجهك

جزله من جزل قصيده من جد أعجبتني

لله درك يامبدع

تقبل إعجابي

[البارع]

المشاركة الأصلية كتبت بواسطة سلطان بن محسن البارع صح لسانك وبيض الله وجهك جزله من جزل قصيده من جد أعجبتني لله درك يامبدع تقبل إعجابي

مرحبااااااا بكـــــــ والله ياسلطان ... ولاعليكـــــ زود الجزاله عند كل حرف تخطه اناملك

تقبل اطيب تحيه ـــ

[شيخ الشيوخـ]

صح لسانك ياسلطان
نظمت فأبدعت

وعندي سؤال عن هالشطر

كن الشهد في عينها مثـل لونهـا

الشعار يشبهون الشهد بغير العين فماذا تقصد ياشاعرنا هل تقصد اللون فقط ؟


والقصيده رائعه وصح لسانك

[البارع]

المشاركة الأصلية كتبت بواسطة شيخـ الشيوخـ صح لسانك ياسلطان نظمت فأبدعت وعندي سؤال عن هالشطر كن الشهد في عينها مثـل لونهـا الشعار يشبهون الشهد بغير العين فماذا تقصد ياشاعرنا هل تقصد اللون فقط ؟ والقصيده رائعه وصح لسانك

مرحبا بكــــ ياشيخــ الشيوخـــ ...وصح ابدانكـــ

والاجابه عن سوالك موجود ه في نفس تساؤلك..اي اني اقصد اللون فقط ... والشعار

بكيفهم كل ن يشبه على اللي هو يبي ... تحياتي...

[النجم الأصيل]

صح لسانك وبيض الله وجهك يالبارع

ودي واحترامي

[البارع]

المشاركة الأصلية كتبت بواسطة النجم الأصيل صح لسانك وبيض الله وجهك يالبارع ودي واحترامي

صح ابدانكــ يالنجم الاصيل.... تقبل اطيب تحيه ...

[ضيف الله السميري]

البارع


قصيده في قمة الروعه


صح لسانك مدد يابارع