ياسكة الخاطر ....

[رشة قلم]

السلام عليكم
اتمنى حقيقة ان يلقى ماكتبت أستحسانكم وخصوصا أنها أولى مصافحتي لمنتداكم الكريم


ياسكة الخاطر وياحلم المسافات البعيد ...
يالجوهر اللي مايزعزعه الظروف ولا يقاد ...

أنا امتثلك ياجناب العدل والراي السديد ...
ياللي تربعت الحشا واستهوتك قوم وعباد...

ماكان أول لورجع فينا الشريط من الجديد ...
وأصبحت مفهومي قبل لشرح معاناة البعاد ...

ماكان صارت غلطتك شمعه وديدنها نشيد ...
وماكان منزلتي تمايل بين كره ن وأضطهاد ...

أنشبتني في معزلن وأنا على كفك اشيد ..
وأجبرتني اخطوا خطى منطق وسيماهم فساد...

كنك عليا ماخذن عهد وسجله فيه قيد...
وابسط حقوقي مرخصه واخر هتافاتي جهاد...

كنت احسبك نظره وخابت في إيصابات القصيد ...
كنت انتظر لحظة امعانق تحتري لف المهاد...

لوكان تغفر غلطتك ماكان سممت الوريد ...
ولوكان شعري يغتفر كان أغتسلت من الرماد...

تمم مسافات الخطى واقفل على بابك حديد ...
وعطني مواعيد الغرام اللي لها شد الزناد...

أبكتحل لك من هدب عيني سواد ولك أعيد...
ذكرى الملاقى واغترف من ماحضيته من وداد...

وابشرك حالي على ماكنت من يومي وليد ...
لين أستقرت روح مخلوق ن في روحينن وزاد ..

يبقى يلامسني شتاك وصيفك وذروتك عيد ..
وتبقى تخايلني مزونك والرعد وقت البراد ...

أغفى على ذاك الحرير إليشتهى عود العبيد ..
لاشب عوده والتحف بشته وغطاه الرقاد...

ماكان وضعي كل ماله في تدهور مايفيد...
وماكان تصويري سواءتعبير عن حالة كساد..

أما جمعنا عرق وإلانبض والساحل شهيد ...
وألا اخذ سكينها يقطع من أول لين باد...

اللي بقى في خاطري قلته ولا ودي اعيد ...
واللي بقى في خاطرك قوله ولايبقى جماد...

دام المشاعر ماتحرك والغلا لا مايزيد ...
وشلي بكتابات الشعر والهام مامنه مراد...

بقلمي : رشة قلم

[ناصر بن سعدي]

:: رشة قلم ::

ما أدري مذكر أم مؤنث ..

لكن نص جميل ورائع ..






وتقبل خالص تحياتي ..

[رشيد الكسر]

صح قلبك وبوحك

رائعه بروعة كاتبها

تحياتي

رشيد الكسر

[سلطان بن محسن]

رشة قلم صح لسانك من جد القصيده رائعه

ودليل على شاعريه لاحدود لها

ولكن عندي تحفظ على الشطر اللي تقول فيه ( ابكتحل من سود الهداب واشعلها واعيد)

فيه كسر حتى لو قلت الاهداب

(أبكتحل لك من هدب عيني سواد ولك أعيد) كذا الشطر يكون موزون

ولكن بقية القصيده فيها صور شعريه ورغم هذه الملاحظه

الا انك فعلا شاعر وتستحق الاشاده

كان ودي بس انك تراجعها لكي تتلافى مثل هالخطاء اللي اتوقع انه مع اجتهادك

ومحاولاتك لن يتكرر صح لسانك مره اخرى وتقبل اعجابي في نصك

[شذى العصمه]

" رشة قلم

قصيدة جميلة

’ صح لسانك .

[المستحيله]

[grade="00008b ff6347 008000 4b0082"]صح لسانك ملالالالالالالالاييين


لك فائق احترامي وتقديري[/grade]

[البارع]

ماشااا الله نص فاااخر ,,, وانا مع اخوي سلطان في ملاحظته ... ننتظر المزيد ..

[رشة قلم]

المشاركة الأصلية كتبت بواسطة ناصر بن سعدي :: رشة قلم :: ما أدري مذكر أم مؤنث .. لكن نص جميل ورائع .. وتقبل خالص تحياتي ..

شكرا اأخ ناصر ..
وشكرا على خط قلمك في صفحتي ..
وأنا أنثى ...

[رشة قلم]

المشاركة الأصلية كتبت بواسطة رشيد الكسر صح قلبك وبوحك رائعه بروعة كاتبها تحياتي رشيد الكسر

شكرا يالشاعر رشيد
والاروع حضوركم وقرأتكم للنص ...
دمت على الخير ...

[رشة قلم]

المشاركة الأصلية كتبت بواسطة سلطان بن محسن رشة قلم صح لسانك من جد القصيده رائعه ودليل على شاعريه لاحدود لها ولكن عندي تحفظ على الشطر اللي تقول فيه ( ابكتحل من سود الهداب واشعلها واعيد) فيه كسر حتى لو قلت الاهداب (أبكتحل لك من هدب عيني سواد ولك أعيد) كذا الشطر يكون موزون ولكن بقية القصيده فيها صور شعريه ورغم هذه الملاحظه الا انك فعلا شاعر وتستحق الاشاده كان ودي بس انك تراجعها لكي تتلافى مثل هالخطاء اللي اتوقع انه مع اجتهادك ومحاولاتك لن يتكرر صح لسانك مره اخرى وتقبل اعجابي في نصك

حروفك ذهب يالشاعر سلطان ..
ومني الى الأخ المشرف لتعديل الشطر ..
جزاك الله خير ...