بيرق التوحيد

[سلطان بن محسن]

[poem=font="simplified arabic,4,white,bold,normal" bkcolor="transparent" bkimage="backgrounds/3.gif" border="double,4,gray" type=2 line=1 align=center use=ex num="0,black""]
خضار الغصن يالون الخضار وبيرق التوحيد=خضار القلب يانبض الحياه وبيرق القمه
تحت سحبك رفعت الراس فوق وشفت تحتي بيد=دريت إني سعودي والسعودي همته همه
دريت إن الفخر ليل الرياض وصبحها والعيد=حكايات البطل عبدالعزيز ومصمكن ضمه
هنا فزت له أرقاب الرجال وطاله التمجيد=هنا صفت له أبيات القصيد ودلة اليمه
خذاها باليمين وعزوة العوجاء وقلب الجيد=خذاها فارسن طال النجوم وفرق الغمه
جمع كل القبايل بعد ماكانت شتات وحيد=توالفهم تكاتف للصفوف وحلمن يهمه
توالى عقبه إملوك القلوب ويكبر التأييد=ويشق الفجر ليلن طاغين بالظلم ويلمه
ويسود الدين له في كل صوب وديرتن ترديد=سمعت الله وأكبر رددوها كل هالأمه
وسمعت إن الأمن عين السهاد وحكمة التشديد=شوارعنا جنودن حذفوا الخامات والعمه
يموت الشر وأضعاف النفوس وفكرهم والكيد=ويموت اللي رفض يفهم بأن الدار ذي أمه
ياداري ماعليك من الرهاب وزمرة التهديد=فداك اللي حفظ دين السلام ومرخصن دمه
أمانه ياأمان النفس وش غير الأمان يفيد=أمانه ياضمير النفس وش غير الوطن قمه[/poem]

[اصايل]

تحت سحبك رفعت الراس فوق وشفت تحتي بيد===دريـت إنـي سعـودي والسـعـودي همـتـه هـمـه



انشهد


صح لسانك وعلا شانك


لاهنت

[شيخ الشيوخـ]

صح لسانك ياشاعرنا وبيض الله وجهك
ويستاهل الوطن والله يرحم عبدالعزيز

[عبدالله البرقاوي]

صح لسانك مراراً وتكراراً ..


نص رائع الى الأمام يالغالي ..




دمت بود

[سلطان بن محسن]

اصايل صح بدنك واشكرك على مرورك العطر

[سلطان بن محسن]

الغالي شيخ الشيوخ صح بدنك وشرفتني طال عمرك بتواجدك

[سلطان بن محسن]

اخوي عبدالله البرقاوي صح بدنك يالغالي وشكرا على مرورك العطر

[ابوسنان]

بيض الله وجهك ياسلطان
(الوافيه ماتجي الامن الوافي)
تقبل تحياتي

[سلطان بن محسن]

صح بدنك اخوي ابو سنان شرفتني بمرورك الكريم الله لايهينك يالغالي

[عادل العصيمي]

سلطان


صح لسانك على هذه القصيدة الأكثر من رائعة


اعجابي دائماً


لا هنت


.