قصة كتابه

[سلطان بن محسن]

[poem=font="simplified arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي ماهيب قصة كتابه=وأكتب قصيدي فيك وألقاك موجود
القصه أكبر من حزين وعذابه=لاصرت ناوي صد وشلون بتعود
مليت من طول الجفاء وإكتسابه=وأنته تزف الهم وتخرب المود
مرتاب في بعدك قليل المهابه=لو كان لي عزوه ونخوه وبارود
مدري حبيس الحزن وشلون يآبه=لو كان سجنه ظلم وأحزانه قيود
سجنتني ياشوق والحب غابه=بستان مايفنى وله غيم ورعود
لو تذكر إني جيت مغرم صبابه=ماكان تجزي صادق الود بصدود
جيتك وجاك العمر فأول شبابه=وماجيتني بجروحك إلا من الجود
وأنا أنتمي للحب وأسكن رحابه=وإن خنت خنت الكذب ودروبه السود
عشقت زينك صح وأتبع سرابه=ورسمت لك وجهن به الحب مفقود
إن كان في حسنك يموت التشابه=لأنك فريد النوع ياسيد الخود
وإن كان في طبعك تزيد الصلابه=لأنك غريب أطباع يالين العود
تغيب وتغيب السماء والسحابه=وأنا الظماء في يابس الريق مولود
وتغيب ويموت بسؤالي إجابه=متى صباح الوصل لعيوني يعود[/poem]

[البارع]

ماشا ءالله عليك ياسلطان....ابداع وصور شعريه عالية المستوى صح بوحك...

تقبل مروري..

[فهيد مقعد الرويس]

صح لسانك

وعتلى شانك

ياسلطان

ننتظر المزيد من الابداع

تحيتي وتقديري

[شذى العصمه]

تغيـب ويمـوت بسؤالـي إجابـه
..............متى صباح الوصل لعيونـي يعـود

قصيدة رائعة .. و إحساس عالي ..
صح بوحك .. و لاتحرمنا جديدك ..
متابعين :)

[سلطان بن محسن]

ا خوي وسيع البنايد صح بدنك

وشكرا على مرورك

[سلطان بن محسن]

شذى العصمه صح بدنك

وشكرا على مرورك00دمتي بود0

[شموخ النايفات]

سلطان بن محسن

صح لساااانك على هالقصيده الرائعه

[ރالزيــاديރ]

سلطان للامانه هذي القصيدة من أجمل القصايد التي قراتها الى الان على مستوى قصايد الأعضاء

ولايهونون شعراء عتيبة
حسب ذائقتي الشعريه الخاصه..



سلطان صح لسانك مليوووووون


تحياتي لك

[سلطان بن محسن]

شموووخ النايفات صح بدنك وشكراا على مرورك

دمتي بوود

[سلطان بن محسن]

اخوي العزيز الزيادي صح بدنك وشرفتني بمرورك

واعجابك في قصيدتي زادني فخر

تحياتي وتقديري لك يالغااااااااالي000