{ القصيده والمجاراه }
((((حبيّب العازمي))))
سامـــح الله من قصدني واعتمدني بالخطيـــــــه ** من قريبين الجدود ومن بعيدين الجـــــــدودي
دايـمٍ مايفلـح اللـي غيّـر النيـــــه بنيـــــــــــــــــه **والخطيه كان ماتنقـص تراهـا مــــــــــاتـزودي
خابر انك ماتـروح بعيـد يـــــاراع الرديــــــــــــه **لو مشيت (2000) كيلو ماتعديك الحـــــدودي
انـت طرقـيٍ معنّـى لاشــــــــداد ولا مطيـــــــــــه ** لا انت فتال العقود ولا انت حلال العقــــــــودي
لو تحّزم بالرصاص ولـو نقلـت البندقيـــــــــــــه ** الرصاص يذل والبندق تذل مع الشــــــــرودي
هبّ وانا راعـي العشـوا وخيّـال العبـــيـــــــــــه ** كيف يارخو العضود تضد مفتول العضــــودي
والله انـي لا كليـل ولاذليـــــل ولاعلـيــــــــــــــه ** مير احسب لي علومٍ مابقي منها وجــــــودي
احسب حساب الرفاقه والمـروه والحميـــــــــه ** حشمة ٍ للطيبين اللي بعضهـم فاللحـــــــودي
نظرتي فالطيبيـن ونظـرة الحســـــــاد فيــــــــــه ** كلها نظرة حسد والعود في عين الحســودي
والله اني ما ادعيت بحجّـةٍ ماهيـب ليــــــــــــــه ** حجتي ما تنجحد واللي جحدها من شهــودي
خافوا الله يالقضاه اللي تعرفــــــون القضيـــــــه ** الصحيح يسود والباطل مصيره مايســــودي
لامطالبكـم بديـن وذمتـي منكـــــــم بريـــــــــــــه ** مابقي غير العلوم اللي يبيحـن الســــــدودي
بيّنٍ عيد رمضـان وبيّـنٍ عيــــد الضحيــــــــــــــه ** ياعسى الاول يعود وياعسى الثاني يعـودي
ياقطن جاتك مزوّعةٍ مـن الحـــــــــــرّه طميــــه ** مستخفّه عقب كانت لارمـوح ولاهبـــــودي
ساقها عشق الجنون وساعدتهـا الجاذبيــــــــــه ** لين عدتها الجبال المستطيلـه والنفـــــودي
معجزه في عصرنا الحاضر وعصر الجاهليــــه ** الهوى صاب الحجر مابه قلوب ولا كبــودي
وين قيس بن الملوح وين ليلـى العامـــريـــــــه ** كيف ماينصفهم اللي ينصــــف ديـاــنا ودودي
والعزا فيما بقى واللـي بقـا فيــــه البقــــيــــــــه ** مرة الايام بيض ومـرت الايـام ســـــــــودي
يالله اجعـل خاتمتنـا بالسـلام وبالــتــحيــــــــــه ** ونتوفى محرمين وفي حرم ربي سجـــــودي
((((مشاري النثري))))
مايهيّض خاطـري فالشعـر حاجـه عــــايديــــــّـه ** غير كايدة ٍ مجاراها علـى الشاعـر يكــــودي
مثل معجزة القصيـد اللـي تسمـى بالخطيّـــــــــــه ** هيّضتني لين لصّعبات قمـت ابـذل جهـــــودي
قمت اسرّح بين ربعـي كنـي بـدار ٍ خليّـــــــــــــه ** اتحايـل لـي غفـالٍ ماتقيـدهـا القـيـــــــــــــودي
لين قامـت شـرّد افكـاري ترايعلـي جريّـــــــــــــه ** عقـب ماكانـت مجافيـلٍ ولايفهـا شـــــــــرودي
وعرضتلي عرضت اصفوف الجيوش العسكريّه ** لاعرضت قدم الملوك اللي ترافقهـا الوفـودي
ياحبيّـب معجـزه تعجـز عقـــــولٍ عبقـريّـــــــــــه ** لايساويهـا قصـيـد و لاتجاريـهـــــــــــا ردودي
لا إلـه الا اللّـه المعبـود و محمـد نبـيّـــــــــــــه ** يوم ميزة الصوادر يابـو فيصـل والــــــورودي
تلتعج مثل الكواكـب فـي غـلاف الجاذبيّـــــــــه ** يوم الاقمار تعرضهـا فالتلفـزون السعــــودي
شيشت قلبٍ شجيع و هيضـت نفـسٍ وفيّــــــــه ** من قريبين البـدود ومـن بعيديـن البــــــــدودي
واطعنت قلب الحسود و صار عقـب الاوليّــــه ** لامُعافى ولامتوفـي مثـل شـارون اليهــــــودي
والعـرب ماغرهـا لمـع البـروق العقربيّــــــــه ** الجبل قدم العواصف مرسـي ٍ كلـه حيـــــودي
مزبن إكبـار السبـاع و للحـرار الصيرميّـــــه ** ماتجرت تقربـه روس الثعالـب والقـــــــــرودي
ياحبيّـب راعـي العشـوى وخيـال العبيّــــــــه ** واللّه انك كفو غصبٍ من ورى خشم الحقودي
انت كاسبهـا بفعـل يمنـاك ماجاتـك هديّـــــــه ** مثل ماجدك كسبها بصطوته بيـن الحشــــــودي
في جنابك تسمـو إجـلال المدايـح مقدريّــــه **مثل ماتسمو على ملوك الشعوب آل السعودي
قالها اللـي مايهيضـه كـل حاجـه عايديّــــــه ** غيـر كايـدةٍ وراهـا كايـدٍ فعلـه يـكــــــــــــــودي
وســــلامـــــــتـــــكــــــم ...
| 
|
02-27-2009, 08:32 PM
قصيدة الشاعر حبيب العازمي ومجارات النثري
العرض العادي
