بعض العرب يفرض عليك احترامه

[عبدالله المرشدي]

اخواني اخواتي الكرام كل عام وانتم بخير وسلامه بعدغيبه طويله اعود بهذه المتواضعه عسى ان تنال رضاكم

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بعض العرب يفرض عليك احترامه=حتى ولو ماقد تعاملت وياه
في مظهره في سيرته في كلامه= ودك لياشفته على طول تنصاه
ماهوب من زود الحلا والوسامه=لكن لسانه حلو مع كل من جاه
من الله طبيعه فيه حب وكرامه=طلق الحجاج ولا يحب المراواه
الصدق ثوبه والامانه حزامه=واضح ولا شال البلا داخل رداه
حتى ولو قدره رفيع مقامه= تلقى التواضع ميزةٍ من مزاياه
يكرم عن اللي من فراقه سلامه=اللي تعافه لاتعمقت بقصاه
اللي يحدك يم ريع الندامه= تلقى البعج والشق خافي سواياه
عنده سوا حكم الحلال وحرامه=يتبع هوا نفسه ويمشي على ارياه
يخفي معالم وجهته في لثامه = ولاقفى فسخ ثوب الحيا واطلق خطاه
طبع البشر مابين لين وصرامه = وهبه من اللي ماتعدد عطاياه
مابه على وجيه الاوادم علامه=منها تعرف الشخص وشهي نواياه
كلٍ حسب عرفه وحسب اهتمامه= من عرض خلق الله يدرج مطاياه
الرابح اللي ماشيٍ باستقامه =ماقدمه في طاعة الرب يلقاه[/poem]

[شذى العصمه]

[align=center]

الشاعر الرائع / عبد الله المرشدي
تشفع للغياب هذه الرائعه صح لسانكـ .. وزان حالكـ .. لله دركـ ..
مبدع // مميز ..
الله يعطيك 1000 عافيهـ ..

\
\




[/align]

[روقي قرم]

ياخي ابطينا عن هالقصيد :)

صح لسانك لين ترضى يالمرشدي

والحمد لله على السلامه

الرابـح اللـي ماشـيٍ باستقامـه
ماقدمه فـي طاعـة الـرب يلقـاه

الله لايتوفانا الا وهو راضي عنا

دمت بـود

[א◊.. مع ـآليه ..◊א]

الصـدق ثوبـه والامانـه حزامـه

واضح ولا شال البـلا داخـل رداه



الله وكبر ماشاء الله رآئع اخوي عبدالله سملت والله وصح لسانك

[تركي ابن خالد]

::

..

حيآكٌ الله ٌ .

وياهلا ومرحباااا مليونٌ ..؛

وصــح السآنكٌ .

نص غير وشاعر غير ..؛

" لله درك "

مبدع دائماً وابداً .

كلّ الودّ .

..

::

[عادل العصيمي]

عبد الله المرشدي


الحمد لله السلامة .. اسفرت وانورت


بعض العرب يفرض عليك احترامه
حتـى ولـــــو ماقــــد تعاملـت ويــــاه


صح لسانك


مطلع عن قصيدة


تحياتي لك

[دمي عتيبي]

الشاعر القدير / عبد الله المرشدي

ياهلا ومرحبا فيكـ وحياكـ ربي

صح لسانك واعتلى شانكـ ..

قصيدهـ رااائعه

تح ـياتي لكـ

/


’

[طـربان]

صح لسانك
ملايين قصيده رائعه

[乂صـواعب乂]

الشاعر عبدالله المرشدي

مرحبا الساع ،،

الحمدلله ع السلامه نورت منتداك ،،

وصح لسانك

قصيده راائعه ابدعت فيها

يعطيك العافيه،،

تحيتي وتقديري..

[قوت القلوب]

الله الله
عليك
ياشاعرنا القدير
وحمدالله على السلامه
واخر الغيبات انشالله
وصح لسااانك
ملايين
تحيااتي لك