وداعة الله

[حصة العتيبية]

[align=center]من أغلى وأعز القصائد في نفسي .. هذه القصيدة!

كيف لا ؟؟ وقد قلتها في أحب الناس ..

(أخــي الـوحـــيــــــــــــــــــــــــــــــــد .. ســـــلـطان)

رحــمـــــــه اللـه رحـمــة واســـعـه ..

قديمة هي .. ولكن ما زلت أعيشها كل يوم .. وسأظل ..

وفاءاً لذلك الحــــــبيـــــــــــــــــــــــب .. [/align]
[poem=font="Simplified Arabic,6,orange,bold,normal" bkcolor="green" bkimage="" border="none,4,gray" type=2 line=1 align=center use=ex num="0,black"]
وداعة الله يـا بعـد كـل الأحبـاب=وداعـة الله يـا مقفـي الركـايـب
ياللي بعدك القلب بالحـزن منـذاب=وقام يتوقـد فيـه جمـر ولهايـب
أنا أشهد إنه ما بقا عقبك أصحـاب=وأنا أشهد إني منك ما نيـب طايـب
وأنا أشهد إن الناس من بعدك أغراب=عنَي ولـو هـم كثـروا بالرحايـب
العام أنا ويَاك مـن بيـن الأقـراب=واليوم عن عيني بعيـد(ن) وغايـب
عقب الرحيل أمسيت بالحيل منصاب=مثل الكسير اللـي يجـر النحايـب
كسره صعيب(ن) ما تداويه الأطبـاب=وسط المعارة بيـن شقـر السبايـب
ما بين رمح وسيف وقتال وضـراب=وزم الفشـق لا ثـار والـدم رايـب
وما بين مغلوب(ن) وما بين غـلاب=أقفى يجـر لحـون حـزن الربايـب
ويبغى النجاة وصار دربه به هضاب=عسر(ن) عليه يطولهـا بالصوايـب
وحتى رفيقه ما لقـا معـه مركـاب=ساعة رفع كفه لـه وعـاد خايـب
وكم مرة(ن) سامرت أنا سِيد الأحباب=مضنون عيني عزوتـي بالصعايـب
نرقا على المِشراف والوقت مِغـراب=ويمسي علينا الليل فـوق الجذايـب
نرعى نجوم سهيل حاضـر وغيِـاب=ونرعى القمر لا بان بين السحايـب
واليوم أنا وحدي وهو يا هلي غـاب=وسط الثرى ما بين لِبـن ونصايـب
يا ليتني ما شفت به فجـع شِيَـاب=ولا شِفت دمع فراقه إلهـم سكايـب
وليت الولي قبله رمانـي بالأسبـاب=ولا ذقت في ( سلطان ) حر المصايب
اللي عسـاه لجنـة الخلـد كسَـاب=وله عن لظى النيران سور وحجايب
وعسى له الكوثر وتسنيـم مِشـراب=ويسيـر بالجنـات فـوق النجايـب
وصلاة ربي عد ما تايـب(ن) تـاب=على رسول الحق مـن قلـب تايـب [/poem]

[كــــآتــم المـــــعنى]

رحمه الله رحمة واسعه واسكنه فسيح جناته

حصه العتيبيه

قصيده طيبه وصح لسانك والهمك الصبر نسأل الله لأخيك الرحمة والعفو والمغفره

تحياتي بلا حد

إنا لله وإنا إليه راجعون

[صاحبة السموـو]

يـآسـسـسـسـلااام ^^
صح لسآنكـ ،،
والله قصيدهـ رائعه جدا
رحمه الله رحمة واسعه واسكنه فسيح جناته
ويعطيك الف عآفيــه ،،

[تركي ابن خالد]

::

..

وعسى له الكوثر وتسنيـم مِشـراب
................................ ويسيـر بالجنـات فـوق النجايـب


آمين آمين آمين

وصح لسانك والهمك الصبر ..؛

ورحم الله أخوك رحمة واسعه واسكنة فسيح جناته ..؛

تحياتي لكِ.


..

::

[رغدالشيباني]

حصه الله يرحم اخوك وموتى المسلمين

ويجمعك به في جنة الفردوس

قصيده جزله صح لسانك ملايين

ولاهنتِ...

[乂صـواعب乂]

حصه العتيبيه

صح لسانج

والله يرحم اخوكِ رحمه واسعه ويسكنه فسيح جناته

القصيده رااائعه بمعنى الكلمه،،

فلا تحرمينا الجديد

دمتي بخير..

[ابن مسلم]

حصه الله يرحم اخوك وموتى المسلمين

ويجمعك به في جنة الفردوس

قصيده جزله صح لسانك

[غلا الجعده]

اللي عسـاه لجنـة الخلـد كسَـاب
وله عن لظى النيران سوروحجايب

آميــــــــــــــن

قصيده جزله
صح لسانك

لاهنتي

[الذويبي العتيبي]

رحمه الله رحمة واسعه واسكنه فسيح جناته

اختي /حصه العتيبيه

قصيده تتجلى فيها الاحزان

وصح لسانك والهمك الصبر نسأل الله لأخيك الرحمة والعفو والمغفره

واعلمي اختي ان القدر لامفر منه وان الموت حق على كل نفس

ومعايشة الحزن تجعل النفس مكتئبه لاترغب العيش

في سلام فلذلك دعي الحزن واستبشري خير تجديه

هذا اخ واحد فما بالك بمن فقد مايقارب اربعة عشر فرد

كيف حياته 0 وان نسي فرد ذكر الاخر

لله الامر فيما اخذ واعطى0 واطلت وهو ليس من حقي ولكن

لتعلمين ان الانفس لها آجآل مكتوبه ولا يستحسن مدد الحزن

تحيتي لك ولشعورك الاخوي الصادق

[مآجدولين]

الله يرحمه
وصح لسانك اختى
ابيات معبره جدا ورائعه
تقبلي مرورى
وتشكرات