الرجاء من الاخوه الشعراء الذين لهم ثقلهم تقييم القصيده وبدون مجامله

[العيدهي]

اتمنى تقييم القصيده من الاخوه الذين لديهم المعرفه في النقد الهادف وبدون مجامله لانه اولا واخرا يصب في مصلحتي واستفيد من الاخطاء ان وجدت واليكم القصيده

[poem=font="Arial,5,#000000,bold,italic" bkcolor="" bkimage="" border="double,3,#400000" type=1 line=1 align=center use=ex num="0,#400000"]
ياسعيد ارخ السمع لي ربع ساعه=الفود كانك ياعفيشي تبا الفود
الصحبه ان كانت على غير طاعه=ابليس شغله حكت العود بالعود
الدين ضعفه مثل نقص المناعه=يفتح عليك من الردا باب مسدود
ان كان مابين بوجهك شعاعه=عليك يلتمون ضايع ومقرود
مشهاتهم مطواع من دون راعه=عاصي لربه ومتعدي له حدود
يفرح ليا شافك تجاري طباعه=ويفرح لنقص فيك والا الردا زود
وان كان في وقت الرخا مد صاعه=وقت اللوازم مقفي تقل مطرود
بعده ترا ياسعيد اكبر طماعه=تلقى نضيره عابد خير معبود
تلقى الجليس اللي بصر بالضراعه=بيض الصحايف ماهم اصحاب الاخدود
وختامها نفسك من الله وداعه=ولقولي اللي باخر القاف اباعود
الصحبه ان كانت على غير طاعه=ابليس شغله حكت العود بالعود[/poem]

وسلامتكم

العيدهي

[عادل العصيمي]

الـديـن ضعـفـه مـثـل نـقـص المنـاعـه
يفتـح عليـك مـن الـردا بـاب مـسـدود
ان كـــان مـابـيـن بـوجـهـك شـعـاعـه
عـلـيـك يلـتـمـون ضــايــع ومــقــرود


العيدهي


صح لسانك


قصيدة رائعة سجل اعجابي بها


مع تمنياتي لك بالتوفيق


تحياتي

[حسن الزيادي]

ابيات موزونه تمام وقافيه ممتازه

قصيده دينيه واتمنا الاستمرار في تطوير الموهبه

يقول الشيخ بن حميد

وأخير منهـا ركعتيـنٍ بالاسحـار
لاطاب نوم اللـي حياتـه خسـاره

[العيدهي]

صح بدنك يابن عجلان واعجابك بالقصيده يشجعني على الاستمرار وشاكر لك على المرور

حسن الزيادي شاكر لك على المرور وانت شاعر ويشرفني تعليقك على القصيده والله يعطيك العافيه انت وابن عجلان