قصيد جميله من اروع الدروس التي يستفيد منها الرجال
للشاعرالمتألق/محمد جارالله السهلي
[align=justify][overline]تـقــدم الـدنـيـا لـنــا درس ٍ جــديــد بــكــل يــــوم
والنـاس تسلـم مـن غثـا الدنيـا بحفـظ دروسهـا !!
وعلـى حسـب حـفـظ المواجـيـب وتعالـيـم السـلـوم
نـعـرف مـقـاسـات الـبـشـر بالمـرجـلـه ونقـوسـهـا
صيـت الرجـال الوافـيّـه بأفعالـهـا .. ولا ّ الـرخـوم
ينبـيـك عنـهـا : قـــل نفعـتـهـا وشـيــن نفـوسـهـا
تـطـرد ورى الدنـيـا وتكـشـخ بالمـواتـر والـهــدوم
مثـل ( الحريـم ) أغلـب دراهمـهـا عـلـى ملبوسـهـا
والإمـعـه والـشـايـب الـكــذّاب وضـعـيـف الـعــزوم
نـاس ٍ مـع العالـم بــلا هيـبـه تـدربـي روسـهـا !!
والبـخـل : خـلاّنـه بهـايـم !! لا تـسـام ولا تـســوم
لا شفتـهـا تـرفـع يــدك حـمـد وشـكــر وتبـوسـهـا
علـى الصحـن هـم أول الجـلاّس وآخـر مـن يـقـوم
يعيّـفـك حـلـو الاكــل والـشــرب طـــول جلـوسـهـا
ماهـيـب لـلــلازم سـنــد ولا ذخـــر عـنــد الـلــزوم
تـمــوت مــاســرّك مهـايـطـهـا وكــثــر فـلـوسـهـا
وسوالف الخبلان .. رفعـة ضغـط وصـداع وهمـوم
فـــلاوة ٍ تـخـطّــف عــلــوم الــعــرب وتـحـوسـهـا
واجـب عليـك إليـا حكـت عـن جملـة حكاهـا تشـوم
الهـنـد مــا يــرأس حكومتـهـا ســـوى هنـدوسـهـا
وربــع المصـالـح والمجـامـل خـــوة ٍ مـاهـيـب دوم
اقـولـهــا والـتـجـربـه قــطــع وريــــدي مـوسـهــا
وقت الرخا .. مثل الصقور اللي على المرقب تحوم
فــيّ ٍ يــذّري سـاقـك الرمـضـا وحـــر ّ شمـوسـهـا
وإليـا احتمـت صكّـات بقعـا وامسـت علومـك علـوم
اتـلــوّي خشـشـهـا وتـجـحـد خــوّتــك وتـدوسـهــا
من عقب مـا انـت الطيّـب وقـدرك معـزّز ومحشـوم
تـصـيـر اردى مـــا خـلــق ربـــي ودم ضـروسـهـا
أبعد عـن الأشكـال ذي .. بعـد الثـرى عـن النجـوم
وش حاجتـك فـي قـرب رديـان العـرب ونجوسـهـا
ماهوب عيب إليا عزموك تقول يالربع .. معـزوم !
العـيـب : لارحـــت لعزايـمـهـا وجـيــت عـروسـهـا
وخـلّـك فطـيـن تعلّـمـك دنـيــاك درس بـكــل يـــوم
والرجـل يسلـم مـن غثـا الدنيـا بحفـظ دروسهـا !! [/overline][/align]
مع خالص الشكر
خالد عايض القصاص الدعجاني
| 
|
10-26-2008, 12:54 PM
(((((("دروســــ الدنــــــيا"))))))
العرض العادي
