قالوا توفى محيسن مكرم العاني

[مناحي الفرزه]

قالوا توفى محيسن مكرم العاني



قصه وقصيدةللعبره.........؟
قصه للعبره هذا محيسن بن راشد بن محيسن العصيمي من ربعنا رزق بمولد ذكر ثاني العيد وحضر رابع العيد الزوتج احد اقاربنا رابع العيد وليلة خامس العيد استيقظ من نومه الساعه الثالثه ليلأ وذهب للمسجد للتهجد واذان للصلاة الفجر وصلى الفجر وهو صايم وبعد الصلاة قال لااحد ابناه ماادري ويش قومني من نومي بدري هذه الليله وفي الساعه التاسعه ذهب لاخراح اهله من الستشفى الرويضه واخرج الام وبقى الولد الذي كان ناقص عليه شهر وهو ابن الثامني شهور لم يخرجه من المستشفى وهو بطريق الرويضه سنام الزراعي وقع عليه حادث مع سياره كامري وقال الشهاده وزوجته عادة الى المستشفى مره اخرى فسبحان مخرج الحي من الميت ........ ولكم القصيده في ابو عمــــــر
في خامس العيد جاني علم ضايقي ـــــــــــــــــ وارخصت في دمعتي يوم الخبر جاني
فزيت في توهتي للعلم واشرقني ـــــــــــــــــ قالوا توفى محيسن مكرم العاني
من حسرته همي الخافي تعلوفني ــــــــــــــــــ ياكبر همه على ربعي وعماني
عسى على جنة الفردوس يسبقني ـــــــــــــــــ اقولها من خفايا القلب ولساني
زين المروه على شوفه مشوقني ــــــــــــــــــ به بيت ربي بعد ماراح عزاني
اروى الكرم والشجاعه كلها حقني ـــــــــــ عودن عزيزين علي من روس شيباني
ياخذ من الطيب دايم فاية المقفي ـــــــــــــــ يمناه سبلا السنع والراس سلطاني
دايم طواريه لامن جات تنتقني ـــــــــــــــــ الها الحميا كذا واجيك طربــــــــاني
له جرة في حنايا نجد يغرقني ـــــــــــــــــ من سمعها فخر من راسي لسيساني
سنام لاعدت من طلعتك عازقني ــــــــــــــــ بينك وبين الرويضه خطن ابكاني
لجل الصغير سرح صايم ومشفقني ـــــــــــ ووليده صغيرون في يومه الثاني
عقب التهجد وعقب الفجر له دقني ـــــــــــ ذي عادتن جايته من روس جداني
ثم صادفه موترن مسرع وفارقني ـــــــــــ مع طلعتن علها في دار عدواني
الله يستر عليه لاتلحقني ــــــــــــــــ مادامك العام ماخذ بعض جيراني

[ضيف الله السميري]

صح لسانك



ورحم الله محيسن

[مناحي الفرزه]

ضيف اللع العتيبي

صح بدنك

[فهيد مقعد الرويس]

[align=center]الله يرحمه
ويرحم اموات المسلمين

وصح السانك يامناحي

تقبل اطيب تحيه[/align]

[مناحي الفرزه]

فهيد الرويس

صح بدنك اخوي الغالي

[كان موجود]

[align=center]صح لسانك قصيده مؤثره و جميله ..
والله يرحم محيسن .. مكرم العاني ويغفر له ويسكنه فسيح جنانه ,,
شكري وامتناني على هذه الرائع ,,[/align]

[الهبداني]

اللهم ارحم اموات المسلمين
مناحي صح لسانك
تقبل تحياتي

[مناحي الفرزه]

ماهر النمر

صح بدنك

[قوت القلوب]

لاحول والاقوة الابالله
قصه تعور القلب
انا لله وانا له راجعون
صح لسانك اخوي

[مناحي الفرزه]

قوت القلوب

اختي الغاليه

النهايه بالشهادة سعاددددددددددة