.. الخنجر المسموم .. !!

[محمد العريــدي]

عذرا ًَ عن الغياب ..


[align=center]-

-[/align]

إليكم هذا النص المتواضع .. أأمل أن ينال ولو بالشئ القليل من إستحسانكم ..
[align=center]
-
-
-[/align]



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
يمر الليل بنجومه وعيني ما تذوق النوم = حرام النوم .. ما طبّق على جفني ولا جاني
ليا بان الغروب .. وبان في الليل العتيم نجوم = تكدّر خاطري .. وأصبح عظيم الهم عنواني
على الله يالهموم الكايده .. ياقسمة المهموم = على الله يـالهموم .. اللي تبيني ما تبي ثاني
كف الله شرها .. ما كنها الأ الخنجر المسموم = تمركز في الحشا .. والسم مع دمي وشرياني
ومهما قلت ابى أخفيها .. وانا رجل ٍ قوي عزوم = تبيّن ما كنيته وإتضــح همّي في الأعياني
سبايب من سبى قلبي وخلاني إلين اليوم = إلين اليوم .. تاركني مع هموم ٍ تنصّاني
تركني عايش بدونه .. شبيه التايه المنجوم = غيابه سبت جروحي .. وبُعده مصدر أحزاني
تركني وإبتعد عني .. بدون ايّت سبب معلوم = ولا أدري وش سبب صده !! ولا أدري ليه خلاني ؟؟
إذا حده زمانه .. مالنا حيله على المقسوم = رضينا بحكم والينا .. ورضينا بحكم الأزماني
وأنا لاشك منتظره .. ولو إن الغياب يدوم = أعيش بـ/ حلم شوفه .. لو يطول الوقت ماجاني
وإذا إنه ناوي الفرقا .. وعن دربي نوى إن يشوم = عسى في صدته خيره .. وعسى لاصد ينساني
لأني ما أتبع المقفي .. ولا ألحق في قفاه اللوم = وأنا ما أغصَب خلق الله على حبي وعلى شاني
عسى الله يسمح دروبه .. وعسى ماصار لي تعلوم = دريت إن الوفاء قل .. ودريت إن الزمن فاني
ولاني ميّت بدونه .. ولا من صدته مصدوم = ابا القى واحد ٍ ثاني .. ويلقى واحد ٍ ثاني
الآ ياقوم .. أنا رجل ٍ عزيز النفس .. الآ ياقوم = حشا ما أتبع طريق الصاد .. لو إنه من أخواني [/poem]

[روقي قرم]

ياهلاويــــــــــــــن يابو وليـــد..

ودي اجيب بيــت مميز عن الابيات الباقيه ماحصلت آ‘بيات تفوق الوصف مميز ياشاعرنا المبدع..

صح لسانك مدد بلا عدد..

قصيده جزله من شاعر جــزل..

سلمت والله يالذيـــب..


آ‘طيب واطلق التحايا :)

[عادل العصيمي]

الآ ياقوم .. أنا رجل ٍ عزيز النفس .. الآ ياقوم
حشا ما أتبع طريق الصاد .. لو إنه من أخواني


محمد العريدي

صح لسانك

واعتلى شانك

قصيدة جزلة من شاعر جزل

تحياتي لك

[عبدالله المرشدي]

[align=center]محمد العريدي


صح لسااانك وعلى شانك


جزله جزله

تحيتي لك[/align]

[الجآآرح]

محمد العريدي


صح لسااانك

[جابر الثبيتي]

صح لسانك مليون ولا يكفون

جزلة من جزل

لك

التقدير

[عادل العتيبي]

الله الله الله الله يامحمد




بيض الله وجهك على هذا النص الجزل


بيض الله وجهك


وصح الله لسانك لين ترضى ياجزل


كل الشكر لك وتقبل تحياتي

[قوت القلوب]

محمدالعريدي
صح لسانك
رائعه بحق
دام بوحك
لك كل الود

[ناصر الحربي]

محد العريدي


صح لساانك مليووووون

ابدعت واجزلت لله درك

كل الود