تكفا يابو سلطان حالي تردا

[مسفر الجعيد]

[align=center]

السلام عليكم

مقدمه بسيطه السالفه طالت عماركم بيتنا اللي فالديره بعد مات ابوي الله يرحمه شدو العرب وخلوه وما صار يجيه الا انا بحكم حلالي عنده
فبدعت ابيات على لسانه يشكي فيها من صد هله اللي عاشو فيه اسنين
ورديت عليه با بيات

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
تكفا يابو سلطان حالي تردا=اشكي عليك الحال والقلب محزون
من يوم مات العود جدري يهدا=وعقب المعزه شفت للذل والهون
شدو هلي والوقت بالحيل شدا=قفو وكبوني ولاهم يزورون
وراحو وخلوني وحيدن محدا=راحو ونسيوني وشلون ينسون
حلو السنين وحلوها ما يعدا=وذكرى حبيب القلب لو هم يحسون
هذي ثلاث شهور ماحي عدا=صابر على فرقا الاحبه ومغبون
واليوم ماغيرك لحالي يلدا=مادام كل الناس عني يصدون
الله يرحم من بناني وشدا= والناس من بعده عساهم يولون[/poem]



الرد

[poem=font="Simplified Arabic,6,purple,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
تشكي وانا اشكي مير مابحت سدا=ذكراك حلوه لاكن الوقت مجنون
وجدي على راعيك بالحيل وجدا=وجد الشجيع اللي من الوقت مطعون
ولو نندب الايام ويش استجدا=مايرجع الغالي على مايقولون
لكن خلك وانتظر لاتصدا=ولو صدو الاحباب لازم يردون [/poem]




وسلامتكم





[/align]

[ابن مسلم]

1

الله يرحم شايبك وشيباني

وأموات المسلمين ياابوسلطان

وصح لسانك

ودمت بخير

[فهيد مقعد الرويس]

صوت وصدى

رائع يامسفر

صح السانك مبدع كالعاده

ومن خلف ممات والله يرحم والدك واموات المسلمين

تقبل تحيتي وتقديري

[قوت القلوب]

صح لسانك
دائمآ وانت مبدع
رائعه صوت وصدى
لك جزيل الشكر

[ذايع]

الله الله

يا مسفر الله يرحم شايبك وجميع اموات المسلمين

قصيدة معبرة جداً ومؤثرة صح لسانك ملايين

تحيااااتي

[مسفر الجعيد]

[align=center]

المشاركة الأصلية كتبت بواسطة ابن مسلم 1 الله يرحم شايبك وشيباني وأموات المسلمين ياابوسلطان وصح لسانك ودمت بخير

امييييييييييييين

ابن مسلم

صح قلبك ولاهنت

شرفني حضورك طال عمرك

تحياتي




[/align]

[عصام بن عباس المرشدي]

صح لسانك يامسفر والمعذره خطا مطبعي غير مقصود0

[نسمة غلا]

صح لسانك

يااخ مسفر شاعر بحق

واللي مافيه خير في قديمه ماله جديد

جمال الابيات والرد عليها تستلذ به العواطف

حيث صورت البيت كانه يتوجد على اهله

والله يرحم والدك وعساه يعمر هالدار بك وبعيالك

سجل اعجابي الشديد بهالابيات الراقيه

[مسفر الجعيد]

[align=center]

المشاركة الأصلية كتبت بواسطة فهيد الرويس صوت وصدى رائع يامسفر صح السانك مبدع كالعاده ومن خلف ممات والله يرحم والدك واموات المسلمين تقبل تحيتي وتقديري

فهيد الرويس

صح قلبك ولا هنت

شرفني مرورك الكريم

تحياتي





[/align]

[القـاسميّه]

قصيده ايمكن افوت مروري الثاني عليهاا
بيض الله وجهك يالجزل
ابيات كاايفه

وشااعر بحر شهادتي فيك مجروحه


.
.

لا تبطي علينا بجزلاتك
تحياتي
اختك القاسميه ...