اخواني الاعزاء اليكم هذه المشاركه من جواهر الشاعر عبدالله بن زويبن وهو غني عن التعريف واذا كان القصيده موجوده فانا اسف على تكرارها .
[poem=font="Simplified Arabic,5,black,bold,normal" bkcolor="white" bkimage="" border="outset,4,deeppink" type=1 line=0 align=center use=ex num="0,black"]
سمعتلي كلمةٍمـدري وش اقصاهـا=حزة بصـدري وانامانـي بهارجهـا
لو كل كلمه ليا جتنـا طـر د ناهـا=بعنا الثمينـه بسعـرٍ مـا يخارجهـا
لو مـرة السمـع ماكنـا سمعناهـا=ونقفـل الـراس عنهـا لايبرمجهـا
ومن يـم هـذا لهـذا مـا نقلناهـا=الناس واجد وتلقـا مـن يروجهـا
ومن جابها بيـن خلـق الله ووداهـا=لوبه مراجل ترى نفسـه يسمجهـا
ومن عامل الناس في سابق خطايها=يقعـد بـدارٍ خـلا مـاداج دايجهـا
في كنةٍ تشوي الجربـوع رمضاهـا=تابس غصون الشجر من حر واهجها
والناس بلحق حكم الشيخ مرضاهـا=ماترضي الناس لو انـك اتحججهـا
يلي تبى الطيبـه خذهـا وعطناهـا=وخـل الطريفـه طريـة لا تثلجهـا
واقضب طريق الاوادم وامش ممشاها=اتبع ادروب العرب وانهج مناهجهـا
وارسـم للنفسـك حـدودٍ لاتعداهـا=من حط نفسه بدرب الضيق يحرجها
وان كان نفسك هواها قـام ينحاهـا=حط الأعنه بروس الخيل واسرجهـا
وفكـر ابمنكافهـا قـدام مغـزاهـا=واضرب حساباتها واتشوف ناتجهـا
كلٍ بعضده يمـوح الدلـو برشاهـا=وتلقى اكبود الضوامي من يبرهجهـا
وانكان توك علـى صـدرك تهجاهـا=حنا ترانـا انـدرس فـي مناهجهـا
من يـم مسراحهـا نبعـد معشاهـا=الياقعـد راعـي الضّلـع يدرجـهـا
لو هي صعيبه اليا انعاجـة عدلناهـا=والي تجـي مستقيمـه مانعروجهـا
نهتم فـي وزنهـا وابـرام معناهـا=ومن الكرستـال واللوللـو انتوجهـا
مثـل الجواهـر اليامنـا نضمناهـا=واسلوكها من جديد الزري ننسجهـا
مخايلٍ ترتـدم والصـدر منشاهـا=لادك بالـبـال داكــوكٍ يهيجـهـا
واليامطرت ضاقت الوديان من ماهـا=تاخذ اليا الحول ما يبست مدارجهـا
ان صدت الناس عنـا ماعترضناهـا=ماتقفي النـاس عنـا وان تولجهـا
وانجاتنا الطيبـه بالطيـب زدناهـا=الطيبه بالعسـل والسمـن نمزجهـا
وان جاتنا الثانيه نصبـر ونرفاهـا=يمكن اليـا فـاق راعيهـا يعالجهـا
وان عادها عـودةٍ ماعـاد ينساهـا=من حربةٍ في صميم الصدر نولجهـا
مسمومةٍ يبلـش الدكتـور بدواهـا=مايقنـع الخبـل لين انـه يلامجـهـا[/poem]
والمعذره اذا فيه اخطا إملايه
| 
|
04-06-2008, 01:55 AM
العرض العادي
