[align=center][poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="solid,4,white" type=1 line=0 align=center use=ex num="0,black"]
ذبحنـي هالسـؤال أرجـوك قلـي بـس وش جـابـه=دخـيـلـك لـيــه تتـعـمـد مــــع ضـحـكــك تبـكـيـنـي
مــن الـبـارح تعـيـده هالـسـؤال وتـطـرق أبـوابـه=علـى نفـس الطـريـق الـلـي تـجـي مـنـه توديـنـي
يـاأخــي وش تـبــي مـنــي وحـزنــي وش تلـقـابـه=يهمـك إيــش فــي هــذا.؟ عـذابـي وإنخـلـق فيـنـي
تـبـي تـعـرف حكـايـة شـاعـر جـمـهـوره أحـبـابـه=تـبـي تـعـرف يصـفـق لـيـه جمـهـوري ويحييـنـي
لأن الشـعـر عـنـدي مـاهـو بــس أوراق وكتـابـه=ولانـي مـن فــراغ أكـتـب وأبــي تكـثـر دواويـنـي
تبـي تعـرف شاعـر ليـه؟؟ هـاك الشعـر وأسبـابـه=تـبــي تـعــرف مـكـانـي وين.؟؟رتـبـهـا وتـلاقـيـنـي
فـقـر مــال.. فـقـر حـــال.. وفـقــر حـيـلـه وطـلابــه=فــقـــر حـــــظ كـريـم..أمـدلــه كــفـــي ويـعـطـيـنــي
فـقــر ديـن..فـقـر دنـيـا..وجــوع تـنـهــش أنـيـابــه=فـقــر راحـه..فـقـر صحـه..فـقـر فـرحــه تنـسـيـنـي
فقـر.أيـه الـفـقـر يـعـنـي ضـيــاع الـعـمـر وركـابــه=فـقـر يعـنـي فـقــر يـعـنـي عـــذاب وظـيــم مالـيـنـي
وراس الفقر..وراس الجوع..وعمر طارت أسرابه=وحـــق الـدرهــم الـلــي مـانــوى مـــره يـخـاويـنـي
رضعت الويل مـن صغـري ولبسـت الحـزن وثيابـه=علـى شـط الشقـاء مـولـود وهـمـي كــان يرويـنـي
تقـطـع وجـهـي وجـلــدي بـنــاب الـفـقـر ومـخـلابـه=ولـكـنـي عـزيــز الـنـفـس ولـــو أحــتــاج تغـنـيـنـي
كسـانـي ثـوبـي المشـقـوق وبـيـن الـنـاس أزهـابـه=وكــلــن يـلـتـفـت يــمــي يــظــن بتـنـكـسـر عـيـنــي
حشـا ماتنكسـر عيـنـي وأنــا الـلـي وقـتـه يهـابـه=عــزاي أنــي فقـيـر وصــارت الـنـظـرات ترمـيـنـي
عـيـون الـنــاس تطعنـي..وكـلـن يـغــرس أحـرابــه=بعـض عـيـون أقـدرهـا وبـعـض عـيـون تدميـنـي
وشـلــي مـابـعـد قـلـتـه وتـبـغـى تـعــرف أعــرابــه=مـضــت سـاعــات أتـكـلـم وأنـــت بـــس تـوحـيـنـي
تبـي تعـرف حكايـة عشـق وبـنـت حيييييـيـل لعـابـه=تبـي تعـرف عـن أسبـاب الجفـاء مابينهـا وبينـي
تـخــيــل جـتــنــي وقـــالـــت فـــمـــان الله يــابــابــا=تــشــرفـــنـــا بــمــعــرفــتــكـويالله لاتـــأذيـــنــــي
وأنا أعشقها "ثمان سنين" وهي تلعب وكذابه=تـســلــي نـفـسـهــا فـيــنــي ونـيـتــهــا تـخـلـيـنــي
تـبـي تـعـرف حكـايـة قـبـر وطفـلـه تسـكـن تـرابــه=تــبــي أقــولــك مـظــلــوم ودم الـطـفـلــه بـيـديـنــي
تبي تعرف وش الغربـه ومـن اللـي طـول غيابـه=تـبـي أحـكـي قـبـل أعــوام بالتفصـيـل أنــا ويـنــي
تبي أحكي لك عن الزاهد وعـن ذنبـه فـي محرابـه=دخيـلـك مـاأقـدر أتكـلـم خــلاص أرجــوك أعفيـنـي
قـسـم بالله فـــي صـــدري مـديـنـه تلـتـحـف غـابــه=مـديـنــه سـاكـنــه قـلــبــي وغـابـتـهــا شـرايـيـنــي
دخيـلـك سـكـر المـوضـوع وشفـلـك شــي تسـلابـه=أنــــا مــنــك ألاقـيـهــا أو ألـقـاهــا مــــن سـنـيـنـى [/poem]
الشاعر / جابر بن هايف العتيبى ,,,
قصيده اعجبتني وحبيت انقلها لكم واتمنى ان تنال اعجابكم [/align]
| 
|
03-17-2008, 10:26 PM
العرض العادي
