مصافحه أولى

[مشاري الغنامي]

[align=center]السلام عليكم ورحمة الله وبركاتة


أعضاء منتدانا الرائع مصافحه أولى أتمنى أن تنال جزء بسيط من ذائقتكم العاليه ..

هذه قصيدة للشاعر / سعود عبدالله ومجاراتي لها ..

وأتمنى أن تنال إعجابكم ..[/align]
[align=center]يقول سعود[/align]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من لامني في الحـب مانيـب لايمـه=حيث ان قلبه مانتشى مـن نسايمـه
ماذاق مـن حلـو المحبـه ومرّهـا=مشاعره عـن لـذة الحـب صايمـه
واللي يعرف الحـب مثلـي وجرّبـه=ماهـوب لا يمنـي ولا نيـب لايمـه
وانا صويب اللي جرحنـي غرامهـا=من حبها اسهر و المخاليـق نايمـه
تبحر بي الافكـار فـي بحـر غيّهـا=لين ان نور الصبح تبـدي علايمـه
مدعوجة الاعيـان ملهوفـة الحشـا=ريمية ً مـن مرتـع الصيـد قايمـه
حذره من التفـاق محـدن يصيدهـا=ترعى الزهر في اطراف نجد وخرايمه
ارخصت روحي من غلاها لروحهـا=والقلب بعته بـأول السـوم سايمـه
يلعب غـراب البيـن بينـي وبينهـا=زود علـى قلـب المعنـى هظايمـه
وانا عن الـزلات رجلـي قصرتهـا=الرجل عن ماتكـره النفـس شايمـه
لو ان شوقي كـل ساعـه يسوقنـي=سوق العقيـد اللـي تقفـى غنايمـه
لكنّ نفسـي عـن هواهـا ردعتهـا=خوف ٍ مـن النمـام ينقـل نمايمـه
اخـاف لا يجـرح كلامـه شعورهـا=اللي على العشـاق مكثـر ظلايمـه
خبل ٍ بدون احساس ماهـزه الهـوى=مشاعره عـن لـذة الحـب صايمـه [/poem]

[align=center]وقلت [/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقول من خله مع الصد ضايمه=ماشاف اله فالحب فرصه ملايمه
يسهر ولاله حيله الأ انه السهر=وقيامته مع هجعة الناس قايمه
ساعه ليا مرت من الليل عن سنه=والصبح موحش لو الأجواء غايمه
يضحك زمانٍ فات واليوم مبتلي=خطط عليه العشق بأبشع جرايمه
قلته وانا ماني مصدق فراقها=الروح في روحه من العام هايمه
القلب مايقبل وعقلي مويده=لو انها تصلا بلاهب سمايمه
ماكل من غنا يهيض على الغناء=ياليت للجزلين فالشعر قايمه
أوحيك ياشاكي من العاذل النذل=لاشك ماضامك من الناس ضايمه
ياسعود أنا آمنت بالموت والغرق=وأنت بسفينه فوق الأمواج عايمه
تفوتك الفرصه ليا ما اغتنمتها=دنياك ماهيب الك ياسعود دايمه
البعد ماينجيك لو رحت للفضاء=ماتدري ان طيور الأشواق حايمه
لا تبتعد خلك على االسهر والبكاء=مثلي ومثلك كيف تبرد عزايمه
لابد في يومٍ على الحب ننتصر=والا بصوت الحق تنهض قوايمه[/poem]


[align=center]وسلامتكم [/align]

[نادر النمر]

حجــــــــــز للقراءه .. :)





ولي عوده ان شاء الله .



,,

[ناصر بن سعدي]

حجــــزلـ الترحيب بقدومك العطـــر ..


ولـ معانقة الإبداع من خلال نصك ..



:)

[فلان الفلاني]

[align=center]


شاعرنا مشاري
جزل دايماً

صح لسانك مليون
ولله درك ...[/align]

[عبدالله المرشدي]

مشاري الغنامي


صح لسااانك وعلى شانك

وصح لسان الشاعر سعود

صوت وصدى ولا اروع

تحيتي لك

[ناصر بن سعدي]

الغالي


مشاري الغنامي ..


صح لسانك مليون ... وصح لسان سعود عبدالله ..



صوت رائع .. وصدى أروع ..


وبإنتظار روائعك ..


وتقبل متابعتي المستمره ..

[فارسة العرب]

مصافحه اولى

وقويه استطعت ان تجذب انظارنا اليها

صح السانك

[حسين الغنامي]

يا حي الله مشاري ..









يامرحبا يامرحبا .. في محلك .. وبين اخوانك









حضور اسعدني وشرفني خاصه ..










ونور المنتدى عامه ..














هنا لـ/ الترحيب فقط ..












لي عوده ../






اخـوك القريّب ..


..
.

[نادر النمر]

صح السانكككككككككككككككككككككككككككككككك



ملااااااااااااااايين يامشاري ..


وصح السان سعووود ملاااااااااااايين ..



صووووت وصدى ولاا راوع ولا اجمل .. ,,


..


والله يحييك ملااااااااااااايين ..



ولاتحرمنا جديدك ياالغالي ..


,,




وتقبل تقديري وخالص الوووود



,,

[ابن مسلم]

مشاري الغنامي

اولاً حياك الله

وصح لسانك

ولسان سعود

تقبل تقديري واحترامي