ماحـب نـوع الفشخـره والدعايـات

[نوف]

[poem=font="Simplified Arabic,5,blue,bold,normal" bkcolor="limegreen" bkimage="" border="double,4,deeppink" type=1 line=0 align=center use=ex num="0,black"]
ماحـب نـوع الفشخـره والدعايـات= والـي علـى نفـس النمـط لا يجينـي
ودي يجـي بينـي وبينـه مـسـارات= ويبـطـي قـسـم بالله لا يحتريـنـي
الثـوب لـه (خبنه)وعـدة مقـاسـات= وانـا مقـاسـي غـيـر يامبتليـنـي
طيبه وعـزت نفـس فينـي ونخـوات= وفزعـت يسـاري ماتسـاوي يمينـي
واحب كل الناس بالـذات بالـذات= من قـال عنهـم خالقـي والدينـي
واما الشعر لي فيه صوله وجـولات= من بحر حبك ليـن بحـر الهجينـي
بينـي وبيـن اللـي يلينـي مسافـات= وياطول درب اللـي وراي ويلينـي

شاعـر تراقصلي طيـور وفراشـات= ونجم السماء يلعب على حـرف سينـي
ساحر ومتفلسف ولـي سبـع بصمـات= بـس الغـرور الله بينـه وبيـنـي

راوي واجيد اسلـوب فـن الروايـات= تسمع جماهيـري تـردد ياااعينـي

اغوص في البحر الحمـر والمحيطـات= وجو السما هـو بـس مـن يحتوينـي

تميـزي فـي رسـم نهـج الخيـالاات= كـن الشعـر مخلـوق منـي وفينـي

انثر حـروف الشعـر واروح بسكـات= واجمع حروفـه بيـن قبضـت يدينـي

تصريح شاعر لـه مسـار وحكايـات= ماهمني شبـل الاسـد والحصينـي

والى انت يلي لـك بروحـي مسـارات= مابيـن شريانـي ومابيـن عينـي

خذيتني بسلـوب بسمـه وغمـزات= وتوهتنـي مـن قُبلتـك فـي جبينـي

حسيـت فـي حبـك ملـذه وسكـرات= وحسيـت انـك بـس مـن يهتوينـي
وسويت لك في وسط جوفـي محـلات= ولا قلت لـك فـي يـوم لاتجرحينـي
لا والله الـى حطـي القلـب كـيـات= وان كان ودك تحرقيـن احرقينـي
ثـم جمعينـي وسـط قلبـك حُبيبـات= ثم انثرينـي فـي الهـوى واجمعينـي
ثـم ارفعينـي ليـن حـد المـجـرات= وفي ضرف لمحة عين لـك رجعينـي
وفي شعرك الدافي ابو خمس خصلات= مابيـن خصـلات الشعـر سهريـنـي
ومابين نبـع الثغـر خلينـي ابـاات= وبين البرد والجمـر لا تحرمينـي
سويبـي اللـي يعجبـك كـل لوقـات= مانـي بقايلـك خــلاص اتركيـنـي
حـرام حُـرم الـدم ماقـول أاهــات= مادام انـك صـدق بتمـوت فينـي
معشوقتي لو طالعـت فـي المرايـات= كـن المرايـه سولفـت كسريـنـي
لو تجمعون اهل الدلـع والعبايـات= راحو وطي ياشيب راسي وعينـي
ماهـو بدالـك كـل لحضـه وحـزات= سويـه فينـي فـي بقـايـا سنيـنـي
بس افهمي ان لي مـع النـاس ميـزات= وميزه وحيـده وقفـي وافهمينـي
من قال لي قُدباي باقول بايات= ماني بقايل مثـل غيـري اخذينـي[/poem]

للشاعر / سالم محمد اليامي

[ރسلايـل المجـدރ]

[mark=000000][align=center]لاهنتي,,,وتشكرين على إختيـاركـ...!![/align][/mark]

[إبن ثعلي]

لاهنتي يااخت نوف على اختيار هذه القصيدة الرائعه
تحياتي لك