[frame="7 80"][align=center]هذه قصيدة الشاعر خالد بن عبدالله المهيدلي العتيبي مرسلها
إلى الشاعر سعدون بن فهد الهرس العتيبي [/align]
[poem=font="Traditional Arabic,6,black,bold,normal" bkcolor="transparent" bkimage="" border="double,4,red" type=2 line=0 align=center use=ex num="0,black"]
ليا شفتلي شي ّ ٍ يخدش الشعور أغضيـت=على شان ماأفقد جوهـر القـدر والشيمـه
أحاول على حفظ الكرامـه وزيـن الصيـت=وأجنّب عن دروب الردى وأحفـظ القيمـه
وأسكّر سموعي في كلام الردى ماأصغيـت=عسـى هرجـة النمّـام تلـزم بلاعيـمـه
على العز والشيمه وحفظ السلوم أمضيـت=ولا أسعى ورى من وضّح الشرع تحريمـه
وأصاحب عزيز النفس وإن غاب قلت أبطيت=شفوق ٍ علـى شوفـه وسلمـه وتكليمـه
بشوش القبـال إن جيتلـه قاللـي حيّيـت=على جوهر سلـوم العـرب حـاز تعليمـه
ليا صار لي حاجه وعنده عليهـا أرهيـت=قريـن الوفـا مـا رد بـابـه معازيـمـه
لاضاق صـدري يابـدر يـم بيتـه جيـت=عسى الله يحفظه من هـل الغـدر ويديمـه
وتراك أنت ياسعدون قصـدي بعـد غنّيـت=ولاقلتهـا لـك غيـر حشمـه وتكريـمـه
أبيها تسجّـل فـي سجـل ْ الوفـا ياليـت=توفّـي مـع اللـي كاسيتنـي مقاديـمـه
حفظت الوفا لاهل الوفـا حـي وألا ّ ميـت=بذلـت الجهـود لحفـظ شرحـه وتقديمـه
بعد مابغـى ينسـى قديـم البنـا رد ّيـت=عليـه بعزيمـه ليـن بانـت مراسيـمـه
جمعت الجواهر واكتمل عقدهـا وأمسيـت=تفاخـر بهـا بالثبـت ماهيـب ترهيـمـه
تحـث الركايـب فـي طلبهـا ولاملّـيـت=وبيّنـت شـي ّ ٍ مبهـمـات ٍ طلاسيـمـه
عسى الله يثيبك خير فـي كـل ماسويـت=بعـد قمـت بالتاريـخ بانـت مفاهيـمـه
وعلى صفوة أهل الكون فالخاتمـه صليـت=صلاة ٍ علـى الهـادي محمـد و تسليمـه [/poem]
[align=center]رد الشاعر سعدون بن فهد الهرس على قصيدة الشاعر خالد بن عبدالله
المهيدلي [/align]
[poem=font="Traditional Arabic,6,black,bold,normal" bkcolor="transparent" bkimage="" border="double,4,red" type=2 line=0 align=center use=ex num="0,black"]
تحمّلت ميل الد ّهر وأخفيت لين أزريـت=خفايا خفوقي لين صبري وصـل تيمـه
تضيع الروابع دون شف ّ ٍ عليه اشفيـت=قديـم العهـود وبيّـنـات ٍ معاليـمـه
وأنا عارف إن الحي ماهوب مثل الميـت=يـدور الزمـان وكـل طقّـه بتعليمـه
زمان ٍ يعارضك الوذا فيـه لوماأوذيـت=يبـذ الحكيـم اللـي يسـدد مثاليـمـه
أحد من زمانه زاده الصبـر والحلتيـت=وعلى غير خلا ّق الملا ماشكـا ضيمـه
وأحد مايحس بصفقة الوجـه والتنعيـت=زمانه عليـه أرهـى بحسنـاه ونعيمـه
هذا وأنـت ياخالـد تماديـت ماكلّيـت=ورى المقصد اللي نلت فخره وتعظيمـه
ومادام أنت من صحبة هل الجود ماملّيت=ترى ورود عد الجود ماتصـدر محيمـه
وألا ياحليف الجود وفّيـت واستوفيـت=كسبت الوقـار وكـل رجـل ٍ وتقييمـه
على منهج أخيار العرب سرت وادّليـت=ونزلـت بمكـان ٍ ماتغـر ّك مفاهيمـه
عشقت المعالي وإلك فأعلى المعالي بيت=بنيته وفيـه الضيـف تافـي بتكريمـه
وأنا لن دخل في عقل ولد الردي تفويـت=ماأشانيه لـو إنّـي بخيـص ٍ بتلجيمـه
أصد متغاضي وأعرف إنّي ليا صد ّيـت=عن اللا ش تنشب حسرته في لهازيمـه
ورفيقي ولو يخطي عليّه ماأقول أخطيت=ولو كـان عفـره ماتـلادي مجاهيمـه
شرحت إلك وأوجزت إلك وأبديت ماخفّيت=ولانيب فـي حـال المنجّـم وتنجيمـه
لحيث إنّك اللي رفقتـه مالهـا توقيـت=صديـق ٍ حميـم ٍ لازمتنـي ملازيمـه [/poem][/frame]
| 
|
01-31-2008, 08:38 PM
جزل القصــيد بين خالد العطاوي وسعدون الهرس
العرض العادي
