"" ::: جريمـــــــة العصــــــــر ::: ""

[مرزوق الرمالي]

[align=center]


السلام عليكم ورحمة الله وبركاته


لا يخفى على الجميع جريمة العصر واللتي حصلت للطفله البالغه من العمر 10 سنوات


على يد والدها وزوجة والدها الام الغير حقيقيه واللتي تم سجنها سنه كامله وتعرضت


خلال هذه المده للتعذيب من والدها وزوجة والدها حتى قتلوها دهسا بالسياره وقد تناقلتها


وسائل الاعلام واليكم هذه الابيات الشعريه بخصوص هذه الحادثه وادعو لتلك الطفله


بالجنه والرحمه وانا لله وانا اليه راجعون ..


..........



[poem=font="Simplified Arabic,6,white,normal,normal" bkcolor="black" bkimage="" border="double,4,darkred" type=1 line=0 align=center use=ex num="0,black"]
ماشدني للحزن ياكود شي(ن)حزين=قدام عيني مداخيل الشعاع قفلت


راحت هواجيس فكري من يسار ويمين=وكنّ القضا جمرته يمّ الفواد دخلت


زرت بخيالي ظلام وعتمة الغادرين=وكل الاحاسيس من وصف الخيال جفلت


وقفت اطالع حروف الكارثه واستعين=يارب رحماك اقوله والعيون هملت


قريتها مرتين ومره ومرتين=حتى خذتني عن ضفاف الونس واعزلت


جريمة العصر منها كل قاسي يلين=منها القلوب ارجفت منها الدموع نزلت


تبت يد الغدر تبت يد وتبت يدين=تبت يدين ويدين للصغير قتلت


كيف الصغير يتحمل للعذاب المهين=طفله صغيره بريئة لاضحكت وزعلت


كيف البراءه تعيش بشي غير الحنين=كيف الابوّه لحدّ الاجتثاث وصلت


مات الضمير بولي الامر الاب اللعين=لين السنه في خفا سوط العذاب كملت


محد(ن)درا للعذاب وماجرا للسجين=بنت الابو وردة(ن)من فعل ابوها ذبلت


اخفّ تعذيب قطع الزاد والاكسجين=ومحد(ن)عرف من خلال العام وش هي كلت


تحولت بسمته بين البكاء والونين=وعنها القلوب الرحيمه ابعدت وغفلت


جيرانها والاقارب مثل عبد المعين=خذلانهم ماحماها والظروف خذلت


القتل تم وحصل من سيد المجرمين=جريمة(ن)هزت الابدان يوم حصلت


موؤدة العصر راحت مير تبقا سنين=بين المشاعر لو انه للنعيم رحلت


تبت يد الغدر تبت يد وتبت يدين=تبت يدين ويدين للصغير قتلت [/poem]


.........


وسلامت عيون من تاابع


كلمات الشاعر


مرزوق محمد الرمالي[/align]

[كان موجود]

[align=center]وانت سالم وغانم ,,
صح لساااانك ,,

وفعلا ً جريمه بشعه ,,

جريمة العصـر منهـا كـل قاسـي يليـن
منها القلوب ارجفت منهـا الدمـوع نزلـت

صدقت يالغالي ,,


الله يرحمها ويعوضها عن ماجرالها في الدنيا بجنات الخلد والنعيم ,,
وحسبنا الله ونعم الوكيل ,,

شكرا لك على هذا الموقف الانساني ,,
والله يجزاك خير على هذه القصيده ,,[/align]

[ابن مسلم]

موؤدة العصر راحـت ميـر تبقـا سنيـن
بيـن المشاعـر لـو انـه للنعيـم رحلـت
تبت يـد الغـدر تبـت يـد وتبـت يديـن
تبـت يديـن ويديـن للصغـيـر قتـلـت




الشاعر/ مرزوق الرمالي

صح لسانك

وبيض االله وجهك وعساها في موازين حسناتك

وإنا ( ل)ا لله وإنا إليه راجعون

[عبدالله المرشدي]

[align=center]الرمالي


صح لسانك

وعلى شانك

وننتظر جديدك

لاهنت

تحيتي لك[/align]

[سعود المطيري]

بيّض الله وجهك وناخوك على هذا الشعور العظيم منك
رحم الله الصغيره غصون
ورحم الله الحال يابعدي

[رشيد الكسر]

صح لسانك يالرمالي

وفي انتظار ابداعاتك


كل التقدير

رشيد الكسر