رد الشمريه على الشلوي

[الحوووت]

[align=center]السلام عليكم ورحمه الله وبركاته

قصيده العسكريه للشاعر /عواض بن ضيف الله الشـــلوي [/align]



[poem=font="Arial,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يالله انـك لاتـعـود العسكـريـه=النصيب اللي على البدلـه حدانـي
لبسونـي لبسـة ٍ ماهيـب لـيـه=درعونـي باللبـوس المشبهـانـي
دربونـا مثـل تدريـب المطـيـه=والصعب منـا يعـود مطوعانـي
يالله انــك لاتحملـنـا زريــه=حيـث حنـا للمعاصـي ماندانـي
ياوجودي وجـد حمـر ٍ عيدهيـه=ساقط ٍ فيها الحقب ويـا البطانـي
فوقهـا قـرم ٍ ببـا كـور ٍ قويـه=من ورى العارض يبي دار شهراني
قطـر القربـه وقدمـه قيهمـيـه=مع زوال الظهر يوم الشوف دانـي
هسها العرقـوب والديـره رديـه=لين دم الجوف بالذرعـان حانـي
او وجودي وجد عرب ٍ فوق طيـه=في لهيب القيظ معطيـت ٍ ثمانـي
هملـن عيالهـن بـارض ٍ خليـه=واصبحـن اعيالهـنـه ذيهبـانـي
يوم جـن البيـر لياهـي جاهليـه=مـا عليهـا لا ورود ولا محانـي
بركن بالشمس تصهرهـن شويـه=كل منهن كنها الخـرص الهلالـي
لو بغيت ادله طرى الطاري عليـه=واستحس القلب والهاجوس جانـي
يوم اشوف الدين مرتجـدا ً عليـه=والظهر عريان والجـوع يحدانـي
طالبك رزق ٍ تحطه فـي يـد يـه=ماعلى بابـه شريـف ولا هدانـي
[/poem]



[align=center]
وهذه ريوف الشمري ترد على صاحب القصيدة التي أنتشرت عبر أثير الجوالات

(يالله إنك لا تعود العسكريه ... والزمان اللي على البدله حداني)[/align]



[poem=font="Arial,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
وسِّـع الملعـب لـقـاف الشمـريـه=وسّعـه للحـق أنـا بطْلِـق عنانـي
خلنـي لا تْحِـط قيـدك فـي يـديَّـه=ولَّعَـتْ ألفـاظ شعـري و المعـانـي
جمـرةٍ كتمانهـا صـعـبٍ علـيّـه=كـل شاعـر لا كِتـم شعـره يعانـي
يشتِعل مـن شـان يسْتهـدي بضيّـه=كلّ طرقي فـي دروب الليـل عانـي
هزّني شاعـر سمعتَـه فـي عَشيّـه=(عسكـريٍ) يشتكـي مـرّ الـزمـانِ
قـال (ربـي لا تعـود العسكـريـه)=(و الزمان اللي على البدلـه حدانـي)
قلت أكيـد الرجـل واقـع فـي بِليّـه=أو مصيبـه صكِّتـه بيـن المحـانـي
قـال وشـو (درّبونـي كالمطـيّـه)=و اتِضح مقصود شعـره لـي وِ بـانِ
طار قلبـي و أثـري الدعـوى كِذَيَّـه=ما أقـول إلا يـا دانـه دانـي دانـي
استلمها جَتْـك نِصـح اخـتٍ لِخيَّـه=ولا أبي مـن وقتـك إلا لـي ثوانـي
قُمْ وِ صلـي و اردع النفـس الشِقيّـه=و احمد اللي يرتجيـه إنـسٍ و جـانِ
الله اللـي مـدّ لـك رزق و عطـيّـه=حـرِّك بحمـده يدينـك و اللـسـانِ
كان شغل (العسكري) متعـب شِويَّـه=قبلك اللي من التعـب عـضّ البنـانِ
الرجـال اللـي يخوضـون المنـيّـه=كـلّ صعـبٍ يَحْمِلُـون إلا الـهـوانِ
إسأل الصحـرا وِ صمـت المهمهيّـه=عـن فعايلهـم وِخِـذْ منهـا البـيـانِ
كيف شقّوا بالصخـر مجـرى وِ مَيّـه=كيـف عاشـوا مِـعْ ذيابتهـا بأمـانِ
صادقوا فـي مشْيُهـم شمسـه وِ فَيّـه=وِ عْقِدوا مَعْ بـرّده و قيظـه رهـانِ
كلّ من لـه نفـس صبَّـاره و حَيَّـه=بـإذن ربـي يقطـف ورود الأمانـي
لا تِشَكّـى ... أشهـد إن العسكريـه=غِصن رزقٍ وارفٍ رطْـبٍ وِ دانـي
كَمِّ بيـتٍ مـن وراهـا شـبِّ ضيِّـه=يغْرِفـون اللحـم دايـم بالصـوانـي
و كـم راسـب بالفصـول المدرسيّـه=ما لقى فـي غيرهـا رزق و مكـانِ
(جندي) و راتِبْـه خمـسُ وكـم ميّـه=نعمـةٍ مـا يجحـده غيـر الجـبـانِ
اضربـوا (للعسكـري) أحـلا تحيّـه=لَوْ هُ (جندي) أشهـد إنـه راعِ شـانِ
حَيِّ (عَينه) لا غَفـتْ عيـن البريّـه=أسْهَرَه لجل الوطـن حـبّ و تفانـي
اللي لا صِحْنا رمى (روحـه) هديّـه=يوم غيره مـن غـلا روحـه أنانـي
لا تلومـونـي بـحـب العسكـريـه=لـو أغنـي دَهْـر حُبـه مـا كِفانـي
خيرهـا طَـوّق بَعَـد ربـي يِـديّـه=رزق (ابوي) وْ شِغل (اخوي) بهالزمانِ
و أنـا بنـتٍ لا جحـود ولا غبـيـه=و احمد اللي بالرضـا دايـم كسانـي
في ردودي دوم لي ب(النصـح) نِيّـه=لا طلب شهره ولا هـو شـي ثانـي
عِنْـد هـذا البيـت وَقَّفـتْ المطـيّـه=وِ اكتمل ردي عسى المقصـود بانـي
[/poem]

م ن ق و ل مع التحية

[شموخ النايفات]

صح لسان الشاعرعواض بن ضيف الله الشـــلوي

ولسان الشمرريه قصيده رائعه

الحووت

صح لسانك ويعطيك الف عافيه

[الحوووت]

ولسانك يالجازي / نورتي الصفحة


شكرا علمرور



تحياتي الك

[ناصر بن سعدي]

الغالي

الحوت ..

رائع ونقل مميز ..

وصح لسان


الشاعر /عواض بن ضيف الله الشـــلوي

وصح لسان

الشاعره/ ريوف الشمري ..


صوت رائع وصدى أروع ..

ودام الجميع بخيـــر ..

[ރالزيــاديރ]

قصيدة رائعه من عواض الشلوي

والشاعره ريوف الشمري

سلمت يمناك على النقل يالحووووت..تحياتي لك..

[الأميره الناعسه]

صح الله السنتهم
ولا هنت اخوي ع النقل