(( ياسعود لاتنشد عن الحال ياسعود ... داخل عليك بوجه من عز دينه )) متواضعة أخرى

[الــســلــيــس]

[align=center]أخواني أخواتي الكرام

اليكم هذا المتواضعة أقبلوها بمافيها فقد أتت هكذا ......[/align]





[align=center]ياسعود لاتنشد عن الحال ياسعـود*****داخل عليك بوجه من عـز دينـه
ما أنته على بحث الأسارير محدود*****بعـض الأوادم همهـم كاتميـنـه
لاتبحث الخافي ترا القلب ملهـود*****خلّه على حزنـه يجـاذب ونينـه
يكفيه ماصابه من أيامـه السـود*****والله على ماجـاه منهـن يعينـه
يبذل ولا يرجي من الناس مردود*****كـم واحـدٍ فكّـه بمـدة يمينـه
يعطي ولامن العطاء صار مجحود*****عـوّد بمنديلـه يمسّـح جبيـنـه
واللي لهم عنده غلا مالـه حـدود*****صـدّو عنـه ماكنهـم خابرينـه
ويكفيه أنه عن هوى البال ملـدود*****وش عاد يرجي في توالي سنينـه
صبر ولكن الصبر مامعـه فـود*****عاثـت بمعلوقـه بقايـا حنينـه
مير الأمـل بالله ماهـوب مفقـود*****أنـا وقلبـي بالولـي عاقديـنـه
وياسعود وقّف ماعن الحال منشود*****قلبي علـى ماجـاه ربـي يعينـه[/align]





[align=center]وسلامتكم[/align]

[align=center]وأعذروني على القصور[/align]

[إبن ثعلي]

صح السانك ولاهنت يالسليس على هذه القصيدة الرائعه
تحياتي

[الأميره الناعسه]

صح السانك ياخوي ولا هنت ع القصيدهـ
ننتظر جديدك

:)

[ولــ منجوم ـــد]

[align=center]صح الساااااانك

اخوي

جميل هذا البوح

لاعدمتك

تحيتي بلا حد[/align]

[الــســلــيــس]

[align=center][align=center]صح بدنكم ومشكورين على المرور

آسف أسف شديد على تأخيري وغيابي عن الموقع ولكن هذا لأسباب منها وفات عمي أبو زوجتي ووفات خالتي.... [/align][/align]

[ناصر بن سعدي]

صح لسانك ..


أخوي السليس ,,

نص جميل ,,


تقبل خالص تحياتي ,,

[الدماسي 2007]

السليس

قصيده معبره وجميله بكل ماتحمله من صور معبره

تقبل تحياتي

وهل انت صاحب التوقيع عبد العزيز بن جري

[الــســلــيــس]

[align=center]صح بدنكم

الدماسي نعم أنا صاحب التوقيع

ليش السؤال يا الدماسي؟؟!![/align]