أبشر يبن لافي...؟؟؟

[جابر الثبيتي]

قريت قصيدة الأخ الشاعر: سعد لافي

بعد الزيادة طارت الأسعار

فوجدت نفسي أكتب هذه الأبيات

لا أدري أهي مجاراة ام مداراه

أرجو قبولها كما هي والمعذرة لو فيه قصور

فقد يكون مع المستعجل الزلل
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,7,gray" type=2 line=0 align=center use=ex num="0,black"]
سعد يصيح وينظم الأشعار=قامت تنافض بالزعل يمناه

ضرب ثراها لين طار غبار=غناالقصيد وحضّره باقصاه

هون على روحك ترى الأعمار=يا صاحبي ماهي خشب ولحاه

هذا زمان العولمة قد دار=صرنا مثل حب الرحا ترحاه

خطط لها يا صاحبي كفار=قمنا نصفق والعنا نلقاه

مثل الخشب لا قصه المنشار=يقصنا لا سار في ممشاه

خلف الكوالس تنبني أشوار=ويعدلون السعر بالممحاه

ومجهزين العذر والمعذار=ما فيه عاقل بالزمن يرضاه

السعر توه بأوله ماطار=وريالنا ما عاد يسقي ماه

صرنا مثل حوت(ن)بجم بحار=يلهم بدربه كل ما يلقاه

لكن أبو متعب عريب وحار=هذا الغلا والزود ما يبغاه

يا سرع ما تلقى الرخا مدرار=مثل السحاب ليا إنتثر سماه

أبشر يابن لافي نخيت كبار=أنته وحنا كلنا بحماه

يبا يصير السلم بالقنطار=والخير ياسر والبدو تشحاه[/poem]

[إبن ثعلي]

صح السان يالنجم ولاهنت قصيدة رائعه جدا
تحياتي لك

[جابر الثبيتي]

صح بدنك ولا هنت

شرفني مرورك وردك

لك

خالص القدير

[مسفر الجعيد]

الله يبشرك بالجنه

النجم

صح السانك مليون ولا يسدون

مجاراه اتشرف بها طال عمرك

كفيت ووفيت وبيض الله وجهك


تحيااااااااتي



[/align]

[جابر الثبيتي]

سعد لافي

بيض الله وجهك بالأول والأخر

موضوع شاغل الناس

وأنا وأنت من بيهم

ولكن بإذن واحد أحد

ما تضيق الا تفرج

لك

خالص التقدير

[ابن مسلم]

[align=center] النجم

نبحث منك عن ماهو أفضل من هذه كما تعودنا منك

ولاكن يبدو أنك استعجلت
هذه القصيده يوجد بها الكثير من الخلل منها على سبيل المثال لاالحصر مايلي:[/align]
[align=center]
ما باقـي الا يفـزع بعصـاه


مااحد(ن)من العقال بايرضـاه


هذا الغـلا أكيـد مـا يبغـاه وهذا فيه ثقلللللللل

أنـت وحنـا كلنـا بحـمـاه وهذا يمكن فتحه على التا والمفروض تقول انته[/align]

[align=center]نأمل إعادة النظر في صياغتها من جديد

وتقبل تقديري[/align]

[جابر الثبيتي]

مشكور وما قصرت

وجهت نظرك بس يمكن نطقي ونطقك يختلفون

انت ترى وانا ارى

والقاري وما يري

لك

تقديري

[قوت القلوب]

النجم صح لسانك والله
قصيده جزله

[جابر الثبيتي]

المشاركة الأصلية كتبت بواسطة قوت القلوب النجم صح لسانك والله قصيده جزله

صح بدنك

اسعدني مرورك

لك

تقديري

[ناصر بن سعدي]

إخوي نجم ,,


عندك إستعجال ..ومثل مقال ابن مسلم بغى له إعادة نظر ,,

ودمت بخيـــــــــــر ,,