جديد بدوي

[بدوي متعلم]

[align=center]محاوره بين عبدالله السعير+زبن القاضي

لليلة الاثنين 16/11/1428هـ[/align]


[align=center]عبدالله السعير


سلام والديره حيا والنار من خشم الزناد
الأولـه ياطيبهـا والثانيـه ياطيبـهـا
البارحه زبن العضيااني نطح سرب الجراد
وانا نصحته قبل بقعاء تاخذه في جيبهـا


زبن القاضي


يامرحبابك يامطر والنـار تاليهـا رمـاد
ماكل ديره من سحاب الصيف سال شعيبها
البارحه شفنا علوم وقبلها شفنا اجتهـاد
هذا السنه كل السرايا مختلـف تدريبهـا


عبدالله السعير


الطرقي اللي قزر الطرقه لكنـه مـا استفـاد
ماكل عمله جابهـا التاجـر قـدر يشريبهـا
لو البعير يشيل هم الوقت مـا شـال القـراد
اضرب على ام اجنيب يالصاحب وقص جنيبها


زبن القاضي


اللي يعيد والعرب فايـام مافيهـا عيـاد
ماهو محصل خير لو كل الفرق يغزيبهـا
مافيه شي ًيوزم الفارس يعـزم للجهـاد
ناطاء على العقرب وننهي راسها وذنيبها


عبدالله السعير


ترى العيون اللي تخلط البيض وتخلط السواد
ما تنفع الساري مدام الـدار يعـوي ذيبهـا
اقطع لسان الثلب والسلعه نوديهـا المـزاد
دام الدقون البيض محلوقـه دهنـا شيبهـا

زبن القاضي


ترى سعيده لو تبا التغيير ماصارت سعاد
راكب عليها الاسم لوتبغى تخفي عيبهـا
الصقر مخلابه يفج الصدر في وقت الهداد
وام الكباير لو تامنها تخـون صحيبهـا


عبدالله السعير


تعال ابا انشدك عن علم المطيه والشداد
والقبله اللي من ثلاث ليال مـا صليبهـا
يازبن لو تسمع كلام الصيف زعلت البراد
والليله اللي مظلمه بالحيل لا تسريبهـا


زبن القاضي



ابشرك علم الفتـن مقضـي عليهـا فالمهـاد
نقدر على تصليحهـا نقـدر علـى تخريبهـا
لو غنت احلام وزعل من صوتها الشادي رشاد
انا الحـون اللـي تناسبلـي نويـت اجيبهـا


عبدالله السعير


وش طلع الفتنه وهي فوق الثراء تحت العراد
الا قلـوبٍ سـود ملعـونـه ولا ندريبـهـا
اللي فصيلت دمها نوعين تزعل ويش عـاد
كل العلوم اللي تحت ضبط الزمن تحريبهـا


زبن القاضي


يمكن بعد بكره يصير الصوم عادي في جماد
الا ليامناحشرنـا الظالمـه فـي سيبـهـا
عبد الودود يقول لازم تاخـذ الشهـره وداد
يبا يطبق فكـرة ً مـن خلقتـه ضاريبهـا


عبدالله السعير


اللي سعو بالفتنه اللي دمـرت كـل البـلاد
نضرب حديدتهم على غفله ويضهر عيبهـا
يازبن لو نقضي على الأكراد تضهر قوم عاد
هذا الختام وكل كلمة حـق يـروي شيبهـا


زبن القاضي


قل بكره الميعاد يالفريس في يـوم الطـراد
ثم امش شرق وها الوجيه تغيب مع تغريبها
الله رفع سبع السموات الشداد بـلا عمـاد
ولا خيـام البـدو مبنيـه علـى اطانيبهـا[/align]

[شموخ النايفات]

بدووي متعلم

يعطيك الف عافيه
على المجهوود الرائعه

الجازي

[شموخ النايفات]

بدووي متعلم

يعطيك الف عافيه
على المجهوود الرائعه

الجازي

[ناصر بن سعدي]

الغالي


بدوي متعلم ,,

نقل رائع ,,لاهنت والله وبيض الله وجهك ,,

وبيض الله وجه عبدالله السعير و زبن القاضي


وتقبل خالص تحياتي ,,

[إبن ثعلي]

لاهنت يابدوي متعلم على نقل هذه المحاوره الجميله للشاعرين القديرين عبد الله السعير وزبن القاضي
تحياتي لك

[ރسلايـل المجـدރ]

[align=center]بيض الله وجهك ولا هنت على نقل المحـاورهـ[/align]

[شاعر روق]

مشكور يابدوي
نقل جزل لشعار اغنياء عن التعريف

دمت بخير

[ولــ منجوم ـــد]

[align=center]بدوي

لاهنت ولاهااان غاليك

نقل

راااااائع


تحياااااااااتي[/align]