قصيدة فهد المفرج في مزاين عتيبه

[بني تميم]

هذه القصيدة القيت بمناسبة زيارة وفد بني تميم لمزاين قبيلة عتيبه في مقر شيخ عتيبه بالمزاين .
تـمـيـــم وعتــيبه
بالنيــابه عـن هـل الطيــــب والشيمه
عن تـمـيـم الـعـز حــرابــة الـــغــاوي
من صميم الــقــلب مليــون تسليـمه
تشمل العتــبــــان روقــي وبرقــــاوي
واجـــب ٍ ياجــب علـيـنـا وتحـتيـمه
والردى والطيــب مــاهـــوب متساوي
نقضي اللازم ليــاجـت مـــلازيـمه
ويخسى ابليــس الـعــور والتـجــــناوي
يسري البــراق في عارض الغيمه
الله الله يــاســنــا البــــــــارق الضاوي
ماحلا ريـــح المطر في مـقـاديمه
كن ريــحــه ريـحــة المسك والجـاوي
زلزلت رعـــادها والمطـر ديـمه
ياهــنـــا الراعـي ويافـــرحة الشـــاوي
بعد هــذا ياهل الـــقــدر والقيـمه
الشــعـــر جـــاله مجـــــاله وانــا نـاوي
نــاوي ٍ امـدح ولكن وش السيمه
الفعل ماهــــوب في حـــاجـــــة الـراوي
فـعـلكم ماضي ثبوت ٍ مراسيـمه
يشـهـدن صـم الـرمـك والنـجـــــــم داوي
سمعة الهيــــلاعليـها الـف تبصـيمه
بصمة الامجـــــــاد تاريــــخ ومـــخاوي
جـنـدلـوا شجـعـان ريمان مع ريمه
كم عــقـــيد ٍ جـــاك مـــلـــوي ومتـهـاوي
عــقـب ماهــو ينتخي راح تطعيمه
طـعـمة ٍ للطيــــر مـع ذيــبـــها الــعــاوي
الولـــد يبـكـي عـقـب حـــل تيتيمه
والــمــره تـلــطــم على الوجـــه وتراوي
تـنـتـحب مابين صـرخه وتلـطيمه
فـارق الخـــــلان والـــوضع مـــأســـاوي
قـــال الاول كــل صـفــقـه بتعليمه
اصفق المخــطـي على الــوجـــــه لاتاوي
والزمــن فرصات والجاهل بهيمه
الجــهــل عـلـة خـفـى مــالــهــا مـــــداوي
والحياة دروس والعـقــل تحكيمه
مـن فــقــد عــقــله ثــوى ثــــويــة الــثاوي
يالله انك تحــفــظ الامن وتديــمه
تحـت ظـــــل الــقـــايــــد اللي لنـــا حــاوي
بالــكرم والخـيـر والعز تعميـمه
صيـــرمــي ٍ صــارم ٍ صـــاطـــي ٍ هــاوي
ولــولـي الـعهد مليــــــار تـنـعيمه
والنـــعـــم يافــزعــة الـــعــــاجــز الطـاوي
والفتى ر**ـه على الله مقاســـيمه
والقنــاعــه كـــنــــز مانيــــــب متـــــراوي
والفخر ورث ٍ لنا من صماصيمه
ابـــركي يانـاقـة الــــقــــوم جــــبــــــراوي
التــمـيمي لااعتزى صك تحويمه
ومن ينـــوشـــه نـــوش مــاهـــوب متشاوي
سلمنا سلم الشجــــاعه وتـقـويـمه
فــرض عــيــــن وكـــلـــنــا دونــــــه نلاوي
ماتسمـعـنا الـمنجــــم وتنجــيــمه
اهــــل دعـــوه واهـــل توحــيـــد وحـــــداوي
شيـخنا محمد نفى الشرك ومقيمه
وجــــدد الـــدعـــــــوه على قــــوة الـــقــــاوي
ومن بنى فوق القبر قبــه وخيمه
دكــهــا دك وعـــــدل زويــــــــة الــــــــزاوي
جــدد الــدعوه بعزمه وتصميمه
شيــخــنا مـــنــــا وفـــيـــنـــا ونـــجـــــــداوي
حـــطـــم الشرك وتعـبد بتحطيمه
لـيــن عـرق الشـــرك خــــلاه مـــتـــخـــاوي
ربــنــا اللي خــص موسى بتكليمه
مالنا غيـــــــره غــنــــى كـل فـقــــراوي
وسيــرة آل الشيخ تمشي بتكريمه
واصلوا عــقـبـــه على نـــهـــج شرعاوي
والخـــتم ريــح الخزامى بتختيمه
عــطــر كــمــبــودي عـلى عـود شرقاوي
شاعــر ٍ نظم بيــــوتـــه بتنظيـمه
تــــاركٍ تــــعــــلــيــق رايـــس لــعـلاوي
من هــل الريف المطرف معاليمه
يضوي الشــــوكـــي ويمـسي بالارطـاوي
في تميــم العز تضرب مراحـيمه
من ضنا عبـــهــول والاصــــــل عمراوي

وسلامتكم ومن حب يرجع للموضوع الاصل هنا الشاعر
http://al-aobhool.com/vb/showthread.php?t=1117