مساكم ورد
تزوجت سارة وسارة احد البنات اللي كانت مدرجة في القائمة عندي وكان ترتيبها الثالثة من بعد ما كانت الثانية بالضبط طبعأ اخوكم فاضي وكل ما شاف له بنت مزيونه قال هذي راح اتزوجها وعطها رقم شاغر بالقائمة
طبعأ زواجها كان عادي مثلها مثل اي بنت تكبر ويجيها نصيبها وتتزوج لكن المصيبة ان خطيب سارة مابين بيتنا وبيتهم الا 150 متر طبعأ انا ما ادري للحين من خطيبهاا
هذي كلها مقدمات كانت تنعرض علي يوم البنت انخطبت وعطوها للرجال فاللي جاي يعلمني كان يقولي توقع من زوجهاا ومن اللي خرب عليك واخذ البنت يامسكين قلت مية وخمسين متر بس قال اية قمت احسب ال 150 من الشمال رشيدي وقبيلة البنت ما يزوجون الرشايدة من الجنوب حضري وما عنده عيال ومستحيل انه يخطب من ابو سارة لان ابوها راعي نياق والحضري عنده حمام في سطحه وابو سارة يقول اللة يلعن الحضر يقطون وصخ الحمام والبل تجي تاكلة ويعورهااا فا مستحيل انه يزوجها له
من الشرق عنزي ودكتور وحرمته دكتورة يعني ماعنده سوالف حرمتين وراعين واجد الغرب مطيري وعياله واجد قلت خطبها محمد ولد ابو نواف يهب يالدب وشلون طاح عليهااا هين هين شغلة عندي قال اللي يعلمني لاتكلم محمد كلم ابوه ان كان فيك خيرررررر قلت ويششششششش قال اللي سمعته قلت يعني سارة خطبها الشايب قال اية طبعأ ما صدقته سالت وطلع الكلام صحيح .....
ومن هناا كتبت الموضوع سارة بنت تدرس في الكلية عمرها 19 سنة ابو نوواف جــــــد وعرس ولد نواف ولده كان قبل سنة يعني ابو نوواف مافيها كلام ال 75 سنة في بطنة عسئ بطنة السلال هو ومع ابو سارة اللة يزتمهم رجال مغنية اللة وبنته مافيها عيب متعلمة مستتره كلأ يتمناهاا ما صدق هالشايب المروح يفتح فمه قال عطيتكيهااا
تدرون وشلون كانت خطبته كان عند ابو سارة عشاء وعازم الجيران ويوم جاء ابو نواف شاف حرمة تدخل البيت مزيونه وسكبتها بالعباة خبال
الباب مفتوح وفيه اخو ابو سارة بالمجلس قلط ابو نواف تقهوى سولف قال وين ابو نواف قال موجود داخل يجي اللحين اخذ شوي جاء ابو نواف قال اخوة من اليوم داخل ابو نواف له وقت وهو هنااا قال ابو نوواف هو كان يبئ يجينا بس انا يومني دخلت ادخلت ام افلان كنها فرس واللة اني مالومه لو يتاخر ( طبعأ يمون الشايب وهو خلقة ملقوف )
قال ابو سارة ام فلان بالمطبخ تسوي العشاء من اليوم اللي شفتها مغير سارة جاية من بيت عمهااا ...
قال سارة امدها تكبر قال اية اللي بعمرك ماتوا ياالعود قال انا شباب قال اخو ابو سارة يابو فلان عيشتك اللي تجيبها ام نواف ملحها زايد والا عادي قعدووا يضحكون قال ابو سارة ابك تعال تزوج سارة وفكني من شر توديتها كل شوي وانا سارح للكلية واللة انها شغلة قال زوجينيها قال ماتصمل قال واللة ان كانها هي اللي دخلت مع الباب اني صامل قال عزاللة انها هي قال تراني موافق قال زوجتك .
وعرسها بعد شهر من الان .......؟
عقب اللي سمعتوه
واللة حتى الاسئلة ما اقدر اسئلكم لكن
هذي مساحه فاضية لكم حريت التعبير الى ان اقدر اني اجمع فكري واسئل كم سؤال ؟؟؟؟؟
<<<<<<<<<< مغبون من البيعه اللي تمت .
| 
|
04-05-2007, 12:28 AM
تزوجـــــــــــــت ســـــــــــــــــــــــارة راحت عليناااا للنقااش ؟
المواضيع المتشابهه
العرض المتطور
