أبـكي بكـا ورع عن الـديـد مفـطـوم

[برقاوي هواوي]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حل الفراق وحل رايم لمريوم =وقوي الريام اللي كبار رفوفه

أمسيت انا عيني حريب لها النوم =كن الاداوي بالنظير محذوفه

أبكي بكا ورع عن الديد مفطوم =عاجاه غير امه وكثرت صدوفه

غديت مثل اللي بمسراه منجوم =مني معاليق الضمير مخطوفه

ونفسي غدت لواهيب و سموم = وجسمي نحل كن السعاير بجوفه

والقلب جار له سواميح وهموم =ومن القراده كل طاري يلو فه

على الذي جاني منه رد وعلوم = شره علي اللي جميل و صوفه

وله الشره لو كان ما جيت مثلوم =أصبر على عجفاه لأجل معروفه

لو بين الغيظة فأنا عنه ماشوم =لين اتعذر منه واجلي الحسوفه

حق على رادع شفاياه برقوم =يروف بي وانا بحال المروفه

وحقه على ألى هرجت ابعد الحوم =أغضي ولكني مع الناس اشوفه

أنا الذي ياما تمناه من يوم =وهو الذي نفسه لغيري عيوفه

كن اللوالو بين اشافيه منظوم =او ضيق وبل محلتم في قنوفه

والعين عين اللي على راس ملموم =ما جيب له من كل نسر علوفه

حرش المناكب لابرق الريش صيروم=حر ملك موت الحباري كفوفه

ابو نهيد في حشي الصدر مزموم =بيض الحمام اللي رفاع قيوفه

هافي حشا كنه عن الزاد محروم =والثوب يشكي ما نبي من ردوفه

ياجاعل موت المخلايق محتوم = قرب مداهيل العنود الهنوفه[/poem]




[frame="7 80"]
شعر / عبد الله بن حمود بن سبيل ,,, يرحمه الله [/frame]

[محمد العتيبي]

اخوي عبد الرحمن صح لسانك ورحم الله شاعرها نقل رائع كما عهدناك

[برقاوي هواوي]

المشاركة الأصلية كتبت بواسطة محمد العتيبي اخوي عبد الرحمن صح لسانك ورحم الله شاعرها نقل رائع كما عهدناك

وصــح بدنك يالغالي ولاهنت على المرور

[مخاوي النشامى]

أخوي عبد الرحمن.....


سلمت يمناك أخوي على النقل الرائع والجزل

ورحم الله قائلها عبدالله بن حمود بن سبيل

[برقاوي هواوي]

المشاركة الأصلية كتبت بواسطة مخاوي النشامى أخوي عبد الرحمن..... سلمت يمناك أخوي على النقل الرائع والجزل ورحم الله قائلها عبدالله بن حمود بن سبيل

الله يسلمك أخوي مخاوي النشامى وتسلم على المرور

[اخو من طاع الله]

صح لسانك يا الذيب ولا هنت على النقل المميز

[برقاوي هواوي]

المشاركة الأصلية كتبت بواسطة عبد الله الحافي صح لسانك يا الذيب ولا هنت على النقل المميز

وصــح بـدنـك يا ابو عابد ولاهنت على المرور

[فهد السميرى]

مشكور اخوى عبد الرحمن النفيعى وصح لسانك والله يرحم ابن سبيل



ســـــــــــــلـــــــــــــــــــــــــــــــــــ ـمت ودمــــــــــــــــــــــــــــت

[برقاوي هواوي]

المشاركة الأصلية كتبت بواسطة فهد السميرى مشكور اخوى عبد الرحمن النفيعى وصح لسانك والله يرحم ابن سبيل ســـــــــــــلـــــــــــــــــــــــــــــــــــ ـمت ودمــــــــــــــــــــــــــــت

العفو أخوي فهد ولاهنت على المرور

[السميري]

قصيده راااااااائعه اخوي وتسلم

الله يرحم الشااااااااااعر