هذي علومي

[عبدالله البجاد]

[poem=font="Simplified Arabic,6,black,normal,normal" bkcolor="transparent" bkimage="backgrounds/14.gif" border="none,4,gray" type=1 line=0 align=center use=sp num="0,black"]
يقول من عدى طويل الرجومي=نايف على اللي كل حوله أمطلي
أبطيت في عرضه وانا اجلس واقومي=عندي اليامني رقيته حصلي
راحت ضميرً بهذلته الهمومي=ولاتشوف العين زولً يسلي
واللي خطربالبال صارمعدومي=درت النظربأربع جهاتً وانا اللي
ماشفت فيه الاطيورًتحومي=وجلست أخطط بالعصى في محلي
بأرضً محيله ماسقتها الغيومي=باقي طوالعها هشيمً أمولي
عقب الربيع وقبل حر السمومي=لامرها حايل ولابه مفلي
جابتني الصدفه الذيك الرسومي=اللي لهاذكرى بصفحة سجلي
وسمرالليال تمر مثل الحلومي=ياما اكسبن مني وياما أكسبنلي
صبروسعة بالً وقوة عزومي=واحيان منهن مايحصل ربع ملي
ياسائلً تبغي حمايض علومي=هذي علومي وانت ياهيه قلي
وين الذي خالف يمومه يمومي=الصاحب اللي صافيً مخلصً لي
هوشرق اويمة مغيب النجومي=وين ارتحل وين اتجه وين حلي
اناالذي مأصغيت للي يلومي=يوم أن ذا طبعي وهوجايزً لي
عندي غلا المقبل يزيدويدومي=والدايم اللي له عباده تصلي
وراع الجفا لوهو يصوت ويومي=له مالتفت من دون حقدً وغلي
اصد عن من صد واصفح واشومي=طردً ورا المقفي هبالً وذلي
واقول من بارا الزمان مهزومي=جعل اليال المقبله يسعفن لي
بأمرً من اللي له صلاتي وصومي=ونسكي ومحياي ومماتي وكلي [/poem]شعر/عبدالله البجّاد

[اخو من طاع الله]

صح لسانك يا ابو عااااابد على هذه القصيده الرائعه

[الـظـفـيـري]

لله درك يا عبدالله البجاد


اوقف وارفع لك عقالي على هالقصيده

[النـايــــــف]

صح لسانك اخوي عبدالله البجاد


وبيض الله وجهك يا الغالي


تحياتي لك ،،،،

[برقاوي هواوي]

صــح لسانك أخوي عبدالله البجاد والله يعطيك العافية

[مخاوي النشامى]

صح لسانك وبيض الله وجهك اخوي عبد الله
الله يعطيك العافيه

[إبن ثعلي]

صح السانك ياعبد الله البجاد قصيدة رائعه جدا
تحياتي

[سلطان القثامي]

صح لسانك ولا هنت يا عبد الله البجاد

[عبدالله المرشدي]

عبدالله البجاد
صح لسانك


صح لسانك


لاهنت

على هذه الرائعه

تحيتي وتقديري