يابوي ماعلى عمري حسافه ولا بقا بي شي

[اخو من طاع الله]

يابوي ليه تبكـي كـل مـا شفتـك وعينـك لـي00تخـاف أمـوت يابـوي .. وقبـل المـوت تبكيـنـي

كفـا يابـوي لا تبكـي وأنـا موجـود معـك وحـي00أجل بعد الرحيل أشلون .. في قبري توطينـي

يابوي لو تمـوت النـاس ماتسـوى دموعـك ذي00وأنـا يابـوي ميـت قبـل أمـوت وأنـت محييـنـي

قسـم بالله يابـوي لجـل عينـك شربـت الـغـي00جرعت الهم والحرمـان وبحـر الويـل يسقينـي

تحملت السنين اللي طوتني في عاذبي طي00وصار الجمر يكفوفي .. وتحـت أقـدام رجلينـي

يابوي ماعلى عمري حسافه ولا بقا بي شي00ولـكــن بطـلـبـك يـابــوي تـكـفـا لا تخـلـيـنـي

يابـوي مابـي غـيـرك يغـسـل جثـتـي بالـمـي00وتكفـا قبـل لا أتكفـن .. يابـوي فكلـي عيـنـي

بأمر الله يمكن ألمحك وأرحل في عيني ضـي00وودع وجهـك الطـاهـر مــع دنـيـاي وسنيـنـي

وخل النـاس تحملنـي وترفـع راسـي ورجلـي00وتأخذني على قبـري وتكسـب أجرهـا فينـي

وأذا جيت القبر يـا بـوي نزلنـي شـوي شـــوي00ووجـهـنـي لـبـيـت الله .. وقـبـلـه المصلـيـنـي

وحـط الطيـن وأدفنـي وعـز اللـي يعـزي فــي00ثــلاث أيــام يـابــوي .. يـواســوك المعـزيـنـي

ورابـع يـوم يـا بـوي تذكـر .. ضحكتـي وعـنـي00تـذكـر وش كـنـت أقــول يــوم أنــك تنـاديـنـي

تذكر يـوم كنـت أنـام فـي ظـل النخـل والفـي00تجي يمي تصب الما..على وجهي وتصحيني

تذكـر جـرة المـوال وصـوت فــي حبـالـه كــي00تذكر يـوم أغنـي لـك قصيـدي وانـت توحينـي

تذكر ضحكتـك لا قلتلـك يابـوي عشقـي هـي00تذكـر كـم قصـيـدة خافـيـه مــا بيـنـك وبيـنـي

تذكر كل شي كان وأذكر.. يوم عبدالله حـي00ولــكــن أســالــك بالله يــابــوي لا تـبـكـيـنـي

[((الدلبحي))]

يعطيك العافيه وصح السان شاعرها

تحيااااااااااااااااااااااااااااااااتي

[@ عتيـبـي نجــد @]

عبدالله
صح لسانك
هذه القصيده
(( على العكس من قصيدة
شالح في ذيب ))

[فواز الشيباني]

عبدالله
يعطيك العافيه
وصح السان شاعرها

[النـايــــــف]

صح لسانك اخوي عبدالله الحافي

وصح لسان قايلها


وبيض الله وجهك يا الغالي


تحياتي لك ،،،،

[اخو من طاع الله]

صح بدنكم وحياكم الله في موضوعكم وعلى قصيدتكم

الله يعطيكم العااااااااااااااااااااااافيه

[عتيبيه وافتخر]

صـــح لســـانك

قصيــده حزينـــه وانت ماعودتنا ياعبدالله على الحــــــزن

قصيده رااائعه في وصفها وتعبيرها الله يعطيك العافيه

[اخو من طاع الله]

صح بدنكي ولا هنتي

الله لا يجيب الحزن ويجعلنا ايامنا فرح وسرور ولا يرينا ولا يريكم مكروه

[سلطان القثامي]

صح لسانك يا عبد الله.....والله يحسن خاتمتنا

[align=center]
صح لسانك اخوي

قصيده مميزه وموضوعها أكثر تميز [/align]