كم فات حر منصبٍ ما يناله ×× وكم حصل العليا غشومٍ بالاجزال

[النمر الروقي]

كم خيّرٍ ما نال فيها سوآله
وكم ثور هورٍ ساعفت له بالاقبال

السبع رزقه من جيفها ختاله
وجندٍ ضعيفٍ مرغدٍ رزقه اشكال

وان قال رجلٍ في عيوبك فماله
وزن ثقل عقلك بعقله بمثقال

وتكشف ضغاين غابته بالرساله
او لفظ مرسوله بعنوان ماقال

الصاحب الصافي تحمل خماله
يلزمك والا الضد حدّه على الجال

واصحا ترا طرد المقفي اعذاله
يتعبك والمقبل عطه وجه واقبال

وترا بوجه اللي يودك دلاله
وضده بمن تكره تراهن بالاغزال

واحفظ وصات اللي نزل بالرساله
واصبر ولا تجزع الى حل بك حال

وان رمت راي فاستخر ثم واله
واعزم وزم واجزم على الحال بالحال

كم فات حرٍ منصبٍ ما يناله
وكم حصل العليا غشومٍ بالاجزال

وصلّوا على المختار والصحب وآله
مالتج حجاجٍ بهاتيك الاميال


(((( منقول ))))

[بنت* عتيبة]

ابيات رائعه صح لسان قايلهاوصح لسان ناقلها.

[النمر الروقي]

وانتي سالمه يابنت عتيبه .. وهذي آخر الابيات :

يارب يالمطلوب عاون هل الكار
وافرج لشداتٍ عليهم كليفه

اللي مجالسهم بها بن وبهار
ونجر يصوّت لهشال رجيفه

مكارمٍ للضيف اصيلات وابكار
ومفطحاتٍ في صحون نظيفه

يا مزنةٍ غرّا من الوسم مبكار
اللي جذبني من بعيدٍ رفيفه

هذا لك الله من قديمٍ لنا كار
عن جارنا ما قط نخفي الطريفه

[خالـد]

صح لسان شاعرها


وتسلم يمين اللي نقلتها


تحياتي

[الدجيما]

تسلم يمينك على هالنقل.

الدجيما

[الداهوم]

نمر تسلم يمينك ولاهنت على نقلها ولهان شاعرها
[glint]الداهوم[/glint]

[الصويب]

تسلم يديك اخوووي

[إبن ثعلي]

تسلم يالنمر على حسن الاختيار
تحياتي

[فهد العايضي]

صح لسان القايل والناقل

والف لاهنت يالنمر على هذه الإختيار الرائع

[النـايــــــف]

مشكور اخوي النمر الروقي


على هذا الاختيار


تحياتي لك ،،،،،،