كم فات حر منصبٍ ما يناله ×× وكم حصل العليا غشومٍ بالاجزال
 

كم خيّرٍ ما نال فيها سوآله
وكم ثور هورٍ ساعفت له بالاقبال

السبع رزقه من جيفها ختاله
وجندٍ ضعيفٍ مرغدٍ رزقه اشكال

وان قال رجلٍ في عيوبك فماله
وزن ثقل عقلك بعقله بمثقال

وتكشف ضغاين غابته بالرساله
او لفظ مرسوله بعنوان ماقال

الصاحب الصافي تحمل خماله
يلزمك والا الضد حدّه على الجال

واصحا ترا طرد المقفي اعذاله
يتعبك والمقبل عطه وجه واقبال

وترا بوجه اللي يودك دلاله
وضده بمن تكره تراهن بالاغزال

واحفظ وصات اللي نزل بالرساله
واصبر ولا تجزع الى حل بك حال

وان رمت راي فاستخر ثم واله
واعزم وزم واجزم على الحال بالحال

كم فات حرٍ منصبٍ ما يناله
وكم حصل العليا غشومٍ بالاجزال

وصلّوا على المختار والصحب وآله
مالتج حجاجٍ بهاتيك الاميال


(((( منقول ))))

[color=#0033FF][size=4]ابيات رائعه صح لسان قايلهاوصح لسان ناقلها.[/size][/color]

وانتي سالمه يابنت عتيبه .. وهذي آخر الابيات :

يارب يالمطلوب عاون هل الكار
وافرج لشداتٍ عليهم كليفه

اللي مجالسهم بها بن وبهار
ونجر يصوّت لهشال رجيفه

مكارمٍ للضيف اصيلات وابكار
ومفطحاتٍ في صحون نظيفه

يا مزنةٍ غرّا من الوسم مبكار
اللي جذبني من بعيدٍ رفيفه

هذا لك الله من قديمٍ لنا كار
عن جارنا ما قط نخفي الطريفه

صح لسان شاعرها


وتسلم يمين اللي نقلتها


تحياتي

تسلم يمينك على هالنقل.

الدجيما

نمر تسلم يمينك ولاهنت على نقلها ولهان شاعرها
[glint]الداهوم[/glint]

تسلم يديك اخوووي

تسلم يالنمر على حسن الاختيار
تحياتي

صح لسان القايل والناقل

والف لاهنت يالنمر على هذه الإختيار الرائع

مشكور اخوي النمر الروقي


على هذا الاختيار


تحياتي لك ،،،،،،