سلطان بن فهد يسحب لقب نادي القرن من الهلال و ينفي وجود إتحاد الأحصاء ( صوت و صوره )

[سيوف]

شوفوا هو يااما اني ماافهم او اني ماافهم

هالحين وش سالفتكم يااخي هالهلال صاج الناس ريحوهم وعطوهم القب يبلوه ويترششون بمويته << عساها دفعة بلا عنه يارب

وطبعا نشوف المشرف خالي سلمان مسنتر هنا يحش << قصدي يرد وكعادته يبل تسبيدته من الي فيها بتلطيش المدعوا الهلال

يارب اشوف الهلال اخذالاسيويه قريبا كعادته ونبي نخشر النصر منها عن العين
،،،،،،،

[سلمان]

المشاركة الأصلية كتبت بواسطة سيوف وطبعا نشوف المشرف خالي سلمان مسنتر هنا يحش << قصدي يرد وكعادته يبل تسبيدته من الي فيها بتلطيش المدعوا الهلال يارب اشوف الهلال اخذالاسيويه قريبا كعادته ونبي نخشر النصر منها عن العين ،،،،،،،

هلا هلا في بنت اخي الحقه سيوف لونق تايم نو سين ( انواع الثقافه فينا يا النصراويين )

اكيد في المواضيع الشائكه الي تمس الكيان الازرق لازم نتواجد اما لدعم جمهور الشمس

او تنتيف الكيان الازرق

تعرفين وانا خالك مع ظغوطات العمل وكثرة المشاغل لازم للواحد يكون له فسحه يفش خلئه فيها وما اجمل تلك الفسحه حينما يكون النقاش فيها تنتيف الهلال

ومن الحين اقول لك ان شاء الله مهم مطولين في الاسيويه وماهم واصلين مواصل العالميين اخر شي بيجيهم فريق من فرق ها الفطس يمغطهم

الهلال مايعرف يمثلنا خارج الوطن وخصوصاً ان كانت المباريات بعيده عن حدائق العريجا

والصراحه مادري ماحسه ينفع ممثل لنا انا بشجع الغرافه القطري كلنا اخوان ونتمنى
ان اي فريق خليجي يفوز فيها الى بعض الناس

اول شي ما ينفعون في كاس العالم


وثاني شي مهم قادرين يفوزون


وانا عن نفسي وعن مسالة الهلال اقول ان الله اعطاني عمر وشفت الهلال هبط من دوري المحترفين وصار مثل ضمك وابها ابي اذبح خمسة قعدان واوزعها على المساكين


الصراحه الهلال قلتها قبل ماله مثيل في العالم الى الحكومه الايرانيه
من ناعية الاعلام
ايران تقول حنى نصنع صواريخ تقدر تلف العالم مرتين وترجع الى قواعدها سالمه
وربعهم الي في العراق والشرقيه ولبنان يصفقون ومصدقين

والهلال يقول حنا نادي القرن وحنا احد اقوى فرق العالم وحنا فال خير على مانشستر وميلان وحنا وحنا
وربع الهلال الي في
منفوحه والجراديه وسلطانه مصدقين ويصفقون


والله المفروض يقلبون الهلال كلية للاعلام لانها اتوقع بتخرج لنا فلاطحه في امور الدعايه والاعلام




وتمنياتي للجميع بسهر طيبه



تعالو تعالو سلمان رايق وين الزرقان