قصيده غزليه

[إبراهيم الصيخان]

أهداء إلى ((خالد العريفي {ابو عساف}))

الشاعر / إبراهيم الصيخان

يالتني ورع ٍ صغير ٍ مدلع
..............نوب ٍ يـطيع ولآعـصـى يـتـركـونـه

إلى بكى كل العرب له تهلع
..............من زود حــبــه كــلـهــم يــرحمونــه

هني قلبه بالهوى ماتولع
..............وان طق بـاب الزيـن لـه يـفتـحونـه

هني عينه شوف خلي مدلع
..............لاطوحت سـود الـغـدف عن قرونـه

أبو نهود ٍكنها خوخ مطلع
..............توه على غـصـنـه بـدو يـقـطـفـونـه

العين عين اللي بقفر ٍ يطلع
..............وإلى استهد كـل الـعـرب يرغـبونـه

من حبها كن الحرايق تولع
..............بصندوق صدري لين يبست شطونه

واقلبي اللي كل مانمت شلع
..............كـنـه بـحـد الـنـصـل هـم يطـعـنونـه

او حال فلاح ٍ غروسه تقلع
..............زود هـمومـه عـسكـر ٍ يـضـربـونـه

كن المحاني من جنوبي تخلع
..............تـخـلـيــع نــزل ٍ بــالـيــات ٍ اركــونـه

تكفى يابو عساف تراني مولع
..............باللي ملـك زيـن الـطـبـع يـنـعـتـونـه

ضبي ٍ ترك قيده بكف ٍ يملع
..............طـالبـك لاتــقـفـي عـلـيـه ضـعـونـــه

[نايف تراحيب]

ابرهيم الصيخآن


والله انها كايفه وانها اعجبتني


لاكن فيه الشطر هذا ان ما خاب ضني انك كاتبه غلط ولا

تكفى يابو عساف تراني مولع
..............باللي ملـك زيـن الـطـبـع يـنـعـتـونـه

ولا القصيده كامله مجنونه وكايفه


ودي


/

[عبدالله المرشدي]

ابراهيم الصخيان

صح لسانك

على شانك

وننتظر المزيد

[إبن ثعلي]

صح السانك يااخ براهيم الصيخان
قصيدة غزلية جزله لايعلى عليها

[النجم الأصيل]

ابراهيم الصخيان

صح لسانك

على شانك

[فهيد مقعد الرويس]

صح لسانك

يابراهيم

ابدعت لاهنت

ونطمع في المزيد


تحيتي وتقديري

اخوي نايف تاكد من القراءه

[اخر رجل]

كامل والكامل وجة اللة
صح لسانك واعتلى شانك
نتطلع للمزيد يالشاعر

[إبراهيم الصيخان]

المشاركة الأصلية كتبت بواسطة نايف تراحيب ابرهيم الصيخآن والله انها كايفه وانها اعجبتني لاكن فيه الشطر هذا ان ما خاب ضني انك كاتبه غلط ولا تكفى يابو عساف تراني مولع ..............باللي ملـك زيـن الـطـبـع يـنـعـتـونـه ولا القصيده كامله مجنونه وكايفه ودي /

لاهنت ياانايف
وهي غريبه من اهل الهيلا

واشكرك على الملاحظه لان فيها ثقل ولاكن لااستطيع التعديل الان
وتعجبني في هذا المنتدى شاكر ومقدر لك هذه الملاحظه التي ان دلت على علو ذائقتك الشعريه
تحياتي

[إبراهيم الصيخان]

المشاركة الأصلية كتبت بواسطة عبدالله المرشدي ابراهيم الصخيان صح لسانك على شانك وننتظر المزيد

لاهنت على المرو الطيب
ولاهيب غريبه من اهل الهيلا

تحياتي

[إبراهيم الصيخان]

المشاركة الأصلية كتبت بواسطة إبن ثعلي صح السانك يااخ براهيم الصيخان قصيدة غزلية جزله لايعلى عليها

لاهنت على المرو الطيب

ولاهيب غريبه من اهل الهيلا

تحياتي