ياقلب لو حدك مع الوقت حاجه

[بـدر الـسـلـمـي]

[poem=font="tahoma,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقلب لو حدك مع الوقت حاجه=لاتلتفت للناس لو كنت محتاج

رزقك على اللي شال عاد بعجاجه=اللي رزق عمي الهوايش بلاازعاج

داب ٍ عمى في جوف غاره لجاجه=رزقه يجي لو ماتعنى ولاداج

طير ٍ تكفت في فمه ثم لاجه=رزقه وجاه ولالقى عنه مخراج

وان كان لك صاحب كثير امتراجه=يجيك في حاجته وان كان لك ماج

الصاحب اللي دوم يضحك حجاجه=يضحك معي وقت الرخا بسن وحجاج

كنت احسب انه في ظلامي سراجه=حاسيه لجروح الزمن طب وعلاج

جار الزمان وجيت ادور خراجه=ثم قلت له وقتي فرض حولي سياج

واخذ معي بعد الكلام اندراجه=والعذر باب ٍ سكره بالف مزلاج

بعض الاوادم خوتك له سماجه=صاحب سعه ولا لياضقت مرواج

لو منتقي غيره خويي خواجه=ماراغ فالصحبه ولارحت محتاج

يارب . حظي فيه شفت انعواجه=طيب روابع لكن الحظ منعاج

وانا مع اللي سمعته كالزجاجه=مامرها خدشه ولا هرج هراج

اشوم عن درب الردى والسذاجه=وعن خوت اللي خوته ذم واحراج

وابى الرفيق اللي على الراس تاجه=اللي لياضاق الزمن جاك فراج

وكل ٍ يعد اللي بوقته يواجه=في وقت يلعب بالبشر زي الامواج[/poem]





وسلامتكم

اخوكم / بدر بن نافع السلمي



شفت النجاح وجيت معكم بجاريه
ولا الفشل ماله معي ربع دينار



هذه بدايه معكم بعد اعجابي بهذا الصرح الشامخ ياعتيبه
والفضل يعود لله ثم للاخ شواق



اسال الله لنا ولكم التوفيق

[نايف تراحيب]

بدر بن نافع السلمي

اولاً حياك الله وهلابك ونتشرف بتواجدك

ثانياً نشكر سعود على دعوتك اللي يعلم الله انها اسعدتني

ان في منتدانا شعراء شروآك


القصيده


كايفه وجزله بالحيل بالحيل وقصيدة شآعر ومتمكن


بدر السلمي

صح لسسسآنك حتى ترضى


وسجل إعجابي


في إنتضار جديدكـ


ودي



/


،

[عبدالله المرشدي]

بدر السلمي

صح لسانك

وعلى شانك

وننتظر المزيد

وياهلا بك وحياك الله

تحيتي

[رغدالشيباني]

بدر السلمي

وانـا مـع الـلـي سمعـتـه كالزجـاجـه
مامـرهـا خـدشــه ولا هـــرج هـــراج
اشـوم عـن درب الــردى والسـذاجـه
وعـن خـوت اللـي خوتـه ذم واحــراج


صح لسانك جزالة فالمعنى وقوة فالمفرده

وياهلا بك في منتدى عتيبه

..بأنتظار غيثك القادم

[فهيد مقعد الرويس]

حجز لترحيب

بالابداع من هله

ولي عوده بأذن الله

[اصايل]

حياك الله اخوي


قصيده رائعه


داب ٍ عمى فـي جـوف غـاره لجاجـه
رزقـــه يـجــي لـــو مـاتـعـنـى ولاداج


صح صح كلك


جزله



لاهنت

[بـدر الـسـلـمـي]

نايف تراحيب


البقى . ونتشرف بالمشاركه بهذا الصرخ الشامخ
صح بدنك . وافتخر باعجابك يابو تراحيب

[بـدر الـسـلـمـي]

عبدالله المرشدي


البقى .. نفتخر ونتشرف بالمشاركه
وصح بدنك

[بـدر الـسـلـمـي]

رغد الشيباني


صح بدنك . وشاكر لك

[بـدر الـسـلـمـي]

فهيد الرويس

البقى . وبنتظارك