ترفق على كبدي ترا البعد شاحطها...

[شيخ الشيوخـ]

على خط جسر بقيق.. مريت جسر بقيـق
وانا غترتي من فـوق راسي...ورابطهـا




دوي الرعد ف أذني دوي طايرات الميـق
ابـي ديـرة مانيـب جاهـل خرايطهـا




عشان من يحلـم بزولـي قبـل مايفيـق
والى فاق ذاكرتـه علـى الحلـم سلطهـا




معاه العذارى لو تهايط ..مساء واشريـق
عليم أن غـلاه ان قـد يوقـف مهايطهـا




عليه الوصوف النـادرة راكبـه ..وتليـق
تحوطه مـن زود الميانـه .. وحوطهـا




كساير ذهبه اللي لها في النحر ..تبريـق
تغبط على منحـره .. والنحـر غابطهـا




ياغصن الغلا .. يا الله بالخير..والتوفيـق
تبا تغنم الفرصـه معـاى ..او تفرطهـا




جدايله ماتدري وش المشط ..يا ابن رزيق
تعرض على على شهب الهبوب وتمشطها




ابسمعـك بيتـيـن ماهـيـب للتلفـيـق
وبيتيـن تصلـح لـك وبيتيـن سافطهـا




وبيتين يلحقهـا مـن المنتقـد ..تحقيـق
وبيتيـن ماتعجـبـك .. ولا تعابطـهـا




الذ الوصال .. مواصلك الا ياحلى ما ذيق
عسل نحلته شفتـك.. والثغـر مسقطهـا




غرامك غضى الجمرة ..يفوح عليه ابريق
ترفق على كبدي..ترى البعـد شاحطهـا




تخبر الدموع اللي سرت من عيونك ضيق
لقاها هـدب عينـي حزينـه ..وقلطهـا



وقامت تجمع من على محجري ..وتويـق
والى حولـت ماعـاد يمديـه ..يلقطهـا




ولكن ماعليها خوف ..خل الدموع تريـق
خـدودي لدمـع مـن سبايبك..باسطهـا




صغاير الأمور اشيلها..والكتـوف تطيـق
وعظيم الامـور تهزنـي .. واتباسطهـا




وانا ماعلى من شلة الضحـك.. والتعليـق
اعرف الخيـول النـادرة مـن مرابطهـا




وادور على الجزله .. لو انها برأس طويق
ضعاف النفوس الله من الارض.. يسخطها




ابي شوفتك من دون موعـد..ولا تنسيـق
لو انك مابين ابو الرجاجيل .. وانشطهـا




عذاب الممات امن التوجـاد.. والتفريـق
ولذيذه مابين اطراف كبـدك .. وباسطهـا




لو احملك ذنبـي ..خطـا يالذيـذ الريـق
انا قبل اعرفك ..رايـح فـي خرايطهـا

الشاعر المجنون /محمد بن الذيب

[ابوسـعد]

صح لسان القائل والناقل...اختيار موفق يدل على الذوق الرفيع..شيخنا لك الشكر والتقدير وياهلاااوغلاااء

[شيخ الشيوخـ]

هلا وغلا يابوسعد ولاهنت وهذا الشاعر يجبرك على اختيار قصائده مهما كانت

حياك ربي يابوسعد

[وجودك يكفي]

كساير ذهبه اللي لها في النحر تبريق
تغبط على منحره والنحر غابطها


صح لسان ابن الذيب

ولآ هنت ياشيخ الشيوخ على الإختيار الموفق والطرح المميز


دمت بود

[الأدميرال]

ابي شوفتك من دون موعـد..ولا تنسيـق
لو انك مابين ابو الرجاجيل .. وانشطهـا
مينون هذا
لاهنت ياشيخ الشيوخ

[غزال الرافدين]

فيه بيت لو ماقال غيره كان تعادل قصايد

يسلمو شيخنا ولاهنت

[&ابن روق&]

مشكور تسلم

[كايدة النساء]

لاهنت علي النقل

[بنت شمرالطنايا]

مبدع ابن الذيب

لو سامعها شايلها محمد السليس روووووووووووووووووووعه

لاهنت شيخ على النقل الرائع

اختك بنت شمر الطنايا