هذه القصيده غزليه للشاعر/محمد سعيد العضياني الحارثي
حبيت ان انقلها لمنتداكم منتدى قبيلة عتيبه الرائع
وارجوا ان تحوز على رضاكم
[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
في شهر عشره صبح خمسه وعشريـن=يـوم الأحـد هـذا كــلام الحقيـقـه
قلت السـلام وقالـت الله علـى ويـن=قلـت أتمشـى يـا حيـاتـي دقيـقـه
مليـت مـن جـو المـدن والبساتيـن=أبغـى الفيافـي والـديـار الطليـقـه
أحسنـي مكتـوم مابـيـن جـدريـن=يا بنت فـي قلبـي مـن الهـم ضيقـه
لولا الدموع اللي غزن محجـر العيـن=لـن كـان شبـت فالضمايـر حريقـه
قالت أنا !! قلت أنتي الكـل يـا زيـن=هل يعقل إن المـاس يتـرك بريقـه ؟
قالت تحبنـي ؟ قلـت هايـم ومسكيـن=مثل الصديق اللـي فـزع لـه صديقـه
فقران ومطفّر وكسر ظهـره الديـن !!=وسدد عنـه وأعطـاه بيـت وحديقـه
وأعطاه شيك .. ورنج روفر .. وخمسين=ذودٍ مغاتـيـرٍ علـيـهـا الوثـيـقـه
والله أحبـك أكثـر أكـثـر لذلحـيـن=حبـك تمـكـن بالـعـروق الدقيـقـه
وقفل على قلبي بسـورٍ كمـا الصيـن=وأعطـاك مفتـاج العـروق العتيـقـه
وش لون مـا أحبّـه حبيبـي وبعديـن=كن العسل يُصنع مـن أطـراف ريقـه
يا بنت لو تدرين !! يـا ليـت تدريـن=إنـي بـدونـك هالفـلـك ماأطيـقـه
الـورد متبـادل مـا بيـن العشيقيـن=ويش الزهـر يـا بنـت لـولا رحيقـه
إتبسّمـت قـالـت أحـبـك ملايـيـن=يـزود عـن حـب الشقيـق إلشقيقـه
أموت فيك ولو حضن جسمـي الطيـن=من المستحيـل أنسـاك بأيّـة طريقـه
والوقـت حـدّه مثـل حـد السكاكيـن=سريـع لاقـابـل عشـيـقٍ عشيـقـه
وطالعت ف الساعه ولا الساعه أثنيـن=الشمس فـي كبـد السمـاء مستليقـه
الله وأكبـر يــا كــلام المحبـيـن=اليـوم يحسـب فـي حسـاب الدقيقـه [/poem]
| 
|
12-22-2009, 06:30 PM
العرض العادي
