حملة شبكة عتيبة الشعريه ( لبيه يالحد الجنوبي )

[سلطان بن محسن]

مشاركتي في حملة لبيه يالحد الجنوبي
[poem=font="simplified arabic,5,black,bold,normal" bkcolor="transparent" bkimage="" border="double,4,gray" type=2 line=1 align=center use=ex num="0,black""]

يالشاعرالمطنوخ مافيك ظنى=دامك على تجديد الأفكار ذيبان
ودامك تفاعل بالقصيد وتسنى=فأنته على درب الكريمين كسبان
لو إنها بالوزن محدن تعنى=ولحدن حسب لردود تركي وغسان
ولو إنها بالهرج محدن تونى=كلن عقب كثر السواليف تعبان
لكنها بالفكره اللي تغنى=اللي عليها يطرب فلان وفلان
وأنا هنا شاعر ولي ماتمنى=وعندي على ماقلت شاهد وبرهان
أببتدي والمبتدى مايكنى=مايخفي هجوسه مع الوقت سلطان
نادى الوطن عقب اللعين إمتحنا=الحوثي اللي خان شعبه وطمعان
وهبوا عليه جنودنا ماتهنى=عاداتهم في كل موقف وميدان
للدار حد وحدنا ياوطنا=ماتسكنه زمرة حثالات وأوثان
دونك نبيع الروح حنا وحنا=بك نفتخر دايم على مر الأزمان
ياما الليالي الفايته علمنا=يوم الغشيم يقول ودي بدسمان
كنا على الموعد ودون زمنا =درسن مهم نعلمه كل خوان
السلم مبدآ والعدو إن تجنى=ماله سوى حلين من دون نقصان
إما قصفه الجيش وإستسلم إلنا=وإلا قصفه الجيش في كل الأحيان [/poem]