يـــغـــويـــنــي..الـلـيـــل..بالــقــمرراااا

[مشعل العتيبي]

عيدكم مبارك

وتقبل الله طاعتكم لو جت متأخره شوي


بس دوب جالها مجال نقولها:)


بسيطه للتواصل..

/

/

مدخل

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]
ان قلت احبك..ماتوفيك بالقول!!=واللي بقلبي..ماتوفيه الاقوال!!
على كذى لاتلومني..ان كنت ماقول!!=خايف اقصر.. يابعد عمر من قال!![/poem]

/

\

/

[poem=font="simplified arabic,5,darkblue,normal,normal" bkcolor="white" bkimage="" border="none,4,gray" type=2 line=1 align=center use=ex num="0,black""]
يغويني الليل بالقمرا وتغريني =وستغفر الله وانا شايل كفن عمري

تضوي بليلي دلع..عوبا تسريني=وتسري بليس قبلي..لاشتهت يسري

الله من ليلةٍ..ضاعت عناويني=بالدفتر اللي سطوره..خطها حبري!!

والله من ليلةٍ..ترقص شياطيني=ترقص ورى بابه..المردود والخطري!!

اللي لحنها تقاسيمه تغنيني=مع هزة الردف..مدري ميلت الخصري!!

ياويل صدري..على لاماك من عيني=ويطول صبري..على شوقي..!وياصبري

وشلون ماقلتلك للحين مافيني=مافيني اصبر بعد..في ليلي الغدري

اظوي بليلي دلع..اظوي وضميني=مابين صدرك وصدري..صدرك وصدري

وسقيني التوت..من مبسمك والتيني=مدي في بحر الحلا..لارحت مع جزري

ماكابر ان قلت ما غيرك كحل عيني=هو فيه غيرك اجل..(ياحبي العذري)!!

يغوني الليل بك..دايم وتغريني=وستغفر الله وانا..شايل كفن عمري!![/poem]

/


/


/

مخرج..

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]
ولاانت صك القلب..بيدك منطول=وفي كل نبضه يقول..احبك ومازال..!!
ومازال نبضه حي..تبقى على طول=في خافقي تبقا..ولو الزمن طال[/poem]

,




,

[شاعر عتيبة]

ماكابر ان قلت ما غيـرك كحـل عينـي

جاز لي هالشطر

صح لسانك يامشعل


والقصيده فيها من الابداع مافيها

[سلطان بن محسن]

اخوي مشعل انا ضد البيت اللي تقول فيه

مع هزة الردف مدري ميلة الخصري عموما القصيده جيده

ونتمنى ان يفهم كل شاعر

ان الشعر رساله وادب

وليس وصف ورقص وهز وسط

[شاعر عتيبة]

كلام سليم ياسلطان

[مشعل العتيبي]

المشاركة الأصلية كتبت بواسطة سااهر ماكابر ان قلت ما غيـرك كحـل عينـي جاز لي هالشطر صح لسانك يامشعل والقصيده فيها من الابداع مافيها

صح بدنك ياساهر

ومنور

[مشعل العتيبي]

المشاركة الأصلية كتبت بواسطة سلطان بن محسن اخوي مشعل انا ضد البيت اللي تقول فيه مع هزة الردف مدري ميلة الخصري عموما القصيده جيده ونتمنى ان يفهم كل شاعر ان الشعر رساله وادب وليس وصف ورقص وهز وسط

الله يعطيك العافيه:)

وحياك الله يالشيخ

[شموخ النايفات]

مشعل العتيبي

عيدكـ مباركــ

وصح لسانك على هالابيات الرائعه