ألا يا نجد يا شينك بعد سلطان مع سلمان

[حصة العتيبية]

[poem=font="simplified arabic,7,orange,bold,normal" bkcolor="green" bkimage="" border="none,4,gray" type=2 line=1 align=center use=ex num="0,black""]
ألا يا ذا القمر وصل كلامي سيدي سلطان=وأمانه ثم أمانه معك طمنّي عن أحواله
وقلّه حصه تسلم عليك وتحلف الأيمان=لو إنه في يديها ما توانت جتك وصّاله
ولكن دونك بحور وصحاري وعندها شيبان=ولا تقدر تفارقهم ولو هو يوم بلحاله
لعل الله يدخلها سببهم في فسيح جنان=ليا طاشت صحاف الخلق وكل(ن) شاهد اعماله
فألا يا ابوي يا درعي عسى يفدونك الرديان=وش علومك ترى الأفكار من سافرت شغاله
وترى مشتاق لك شعبك ومشتاقه لك الأوطان=وكل(ن) يشتكي بِعدك ولا احد(ن) غبت عن باله
وترى ما عاد للدنيا طرى والكل لك ظميان=ويدعي لك ولي الكون لا ارخى الليل باسداله
وترى بِعدك جرح كل القلوب وهيج الاشجان=ودمع احداقنا لا مر طيفك يَرخْص اسباله
فمتى ترجع يابو خالد وابو الجوعى وابو اليتمان=ومتى ذاك القصر نسعد ليا جيته بمدهاله
ومتى طير الفرح يكفخ ليا من عدت بالجنحان=ويطربنا حداه وينسي المهموم غرباله
فالا يالله عسى ما جاك يكتب لك به الغفران=ويظلك سبته رب الملا بالحشر بظلاله
وألا يا نجد يا شينك وابو خالد معه سلمان=طوانا دونهم طول النيا يا شين سلاله
عيال العود هم ما غيرهم عدّالة الميزان=ليا من طفف اللي ما يخاف الله مكياله
حماة الدين للتوحيد من يوم (ا)طلعو صبيان=وهل العوجا ليا من العزاوي جا لها قاله
وسلاطين البلاد اللي زعامتهم لها برهان=ولا جتهم بحي الله كلام وعزف طباله
يشوشون ويهوشون ويحوشون اشرف النيشان=وليا جفت مشاريب الشجاعه فهم شلاله
هل الفزعات والجزعات والجزلات والسلطان=وهل الشيمات والعزمات والقامات والطاله
وهل الطاعات والرحمات والمدات والإحسان=وهل النخوات والسطوات قوّاله وفعّاله
فألا يالله رجعهم لنا وانته عظيم الشأن=بعاجل وقت قبل الصوم يعلن شوفة (ا)هلاله
كريم الوجه يا حنان يا ديان يا رحمن=سألتك لا تخيب من سألك وحقق آماله
وصلاة الله وتسليمه على المبعوث من عدنان=عدد من طاف بالبيت الحرام وحل ترحاله[/poem]

[شيخ الشيوخـ]

قصيده رااائعه صح لسااانك
وعلى شانك

والله يرد اخوان نوره

هل الفزعات والجزعات والجـزلات والسلطـان

وهل الشيمات والعزمـات والقامـات والطالـه

وهل الطاعات والرحمات والمـدات والإحسـان

وهـل النخـوات والسطـوات قوّالـه وفعّالـه

فألا يالله رجعهـم لنـا وانتـه عظيـم الشـأن

بعاجل وقت قبل الصوم يعلن شوفـة (ا)هلالـه

اللهم اامين

ابداع من اولها لاخرها ,,

[إبن ثعلي]

لاهنتي وصح السانك ياحصة العتيبيه
والله ندعو ان يمن على صاحب السمو الملكي ولي العهد سلطان بن عبدالعزيز بالشفاء العاجل ويعود لدياره برفقة شقيقه امير نجد صاحب السمو الملكي الامير سلمان سالمين غانمين انه سميع مجيب

[سيوف]

،،،،،،،،،،،،،،،،،،
صح لسانتس صح لسانتس ياحصه اجدتي فابدعتي

قصيده جزله والله يرد لها الوطن سلطان

دمتي بنت عتيبه وانتي بصحه وهلا فيتس في منتدى عتيبه :)



،،،،،،،،،،

[فهيد مقعد الرويس]

صح لسانك

ياحصه

شاعره رائعه

بدعتي فامتعتي

تحيتي وتقديري

[سلطان بن محسن]

صح لسانك شاعرة الهيلا ابدعتي 000

والله يرجع لنا اميرنا صاحب السمو الملكي الامير

سلطان بن عبدالعزيز ويقومه لنا بالسلامه

[ميااااح]

[grade="ff4500 4b0082 0000ff 000000 f4a460"]قصيده رائعه من شاعره متمكنه ومبدعه

الله دررررررررررررررررك ياحصه

مني كل الاحترام والتقدير لكي[/grade]

[شاعر عتيبة]

عز الله غنيتي يالعتيبيه

ارسليها لابوخالد والا بو فهد

عسى الله يردهم حجانا وذرانا

[عتيبي بس]

صح السااانك يابنت العم عزالله شاعره اتمنى لك المزيد من الارتقاء

[حنين الروح]

وترى مشتاق لك شعبك ومشتاقه لـك الأوطـان
وكل(ن) يشتكي بِعدك ولا احد(ن) غبت عن باله

وترى ما عاد للدنيا طرى والكـل لـك ظميـان
ويدعي لك ولي الكون لا ارخى الليـل باسدالـه


الله يرجعه لـ ارض الوطن سالما معاافا..

قصيده ابدااع.. ويكفي انهاا تحمل مشاعرناا لـ سلطاان الخير

صح لساانك مليوون ولاايكفوون

ولااهنتي