هذ آخر قصيدة للوالد / ضيف الله بن هنيدس الله يحفظه.
وموضوعها نقد للأوضاع الراهنه للأمة وشبابها اللي من جنب القده
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حسيبي على الأيام يا شين دبرتهن=تخلي مناعير النشاما مقاييدي
ألا يا كثر ما راحن الغادرات وجن=بنات السنين مغيّرات المواعيدي
لنا معهن أحزان ومسرات واكثرهن=تجارب حياة وفي بعضهن تنكيدي
يقولون بعض الناس لا ضاق صدرك غن=وأنا اقول لا لا بد من قطعة البيدي
إلي تجربه والناس تحكي كلام الظن=واعارض على ما قيل جمله وتفريدي
ويقولون كل اصغير طاقه وذوق وفن=وتحمل اظروفن كل ما زادت ايزيدي
وأنا اقول ما حاشي برك واحتمل للمن=اجمال الحمول اكبار من غير تحديدي
ارجالن على قد المواقف اليا اشتدن=بهم وصف من صمّ الصخور الجلاميدي
ويقولون فرسان النوادي فلان وهن=لهم فخر في ركب الأصايل وتمجيدي
وأنا اقول ما ركب الأصايل بلعبة صن=ولا تسمية فارس وترديد أناشيدي
ولا كل من ركب الجواد السبوق وعن=بلغ مبلغ الفرسان لو كان رعديدي
ولا كل غيدا فارعة جيد بيضا سن=لطيفة حشا فالصدر حمرن مناهيدي
اتصدد بورديّات كن اليهق فيهن=لو اتسير في حيٍّ هله جابوا العيدي
على كثر ما فيها من الزين ليس ولن=ولم تنفرد بالزين عن جملة الغيدي
ويقولون عشرات الملايين قد صرفن=على وافدن جابوه لا جابوا الفيدي
وسموه بطل ونسين البيض عفّتهن=رقنّ المدرج يرسلن الزغاريدي
وأنا اقول بعض العرب معتريه الجن=أفا يا عرب يا كبرها من مناقيدي
أنا من وانته من واجدادنا هم من؟=أليسوا مناعير الرجال الصناديدي
انصفق لعبدن يطرد الجلد كنه زن=ونقول انت بطل اوفيت واكفيت يا سيدي
وانقابل صواريخ اليهودي اليا دكن=شوامخ عمايرنا بشجبن وتنديدي
ونشوف امهات اطفالنا فالعرا يبكن=تحت داخن المدفع وصوت البواريدي
وشظايا صواريخهن من الجو ينطلقن=تفجر يشيّب هولهن المواليدي
وناسف لبوش ونعتذر منه وانحزن=علشان حذفت واخطته جزمة الزيدي
هذا واستبيح الناس عذرا ان كان اخطن=بنات الفكر مني وجني معاويدي
وأنا راحتي جيبن عطوه الدبل ثم ون=رقاله غراميلن مطرهن تماديدي
تقفى انياقن قبل وقت الشروق اقفن=ثلاثين وضحا كنهن شرّد الصيدي[/poem]
| 
|
02-28-2009, 11:55 PM
العرض العادي
