هذه القصيده مرثية فالأمير / نايف بن عبدالمحسن بن حميد رحمه الله و اسكنه فسيح جناته

[رايد المقاطي]

[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


يامل قلب(ن) كل ماجرهد الليل = قام يتوقد مثل حام المليله

من كثرة الأحزان ذاق البهاذيل =واهني من حلو الكرى يستويله

ومع السهر وابل عيوني هماليل =مالي سوا رب العباد اشتكيله

مابكي على الدنيا ولا خوفة الميل = فقدت سيف(ن) من سيوف القبيله

فقدت نايف راعي البن و الهيل = والمنسف اللي جودنا ينتميله

فقدت ليث الجود و الجاه حلحيل = حلحيل شيخ يحلحل المستحيله

أرسى من الأوتاد و اعذب من النيل= للعاني أعذب من رشاش المخيله

في ساعة الموقف دليلة دواليل =تنسب له الشيخه و عقله دليله

أقفى سليلة متعب الجيش و الخيل = سليلة(ن) ياطيبها من سليله

لا قالوا ابن حميد يرجح له الكيل = من روس ربعي محتمين الدبيله

رجال ترجع له عقول الرياجيل =الفعل صارم و النبا سلسبيله

كم قاد فوج أهل الكرم ذابح الحيل =وكم فك مرهون الزمن من عميله

طلق الحجاج مسهل الصعب تسهيل = الطيب فرضه و التواضع نفيله

محشوم عن مسرح هل القال و القيل = حر مكانه فوق راس الطويله

أقفى من الدنيا زبون المعاميل = الضيف نادر و المضيف كفيله

ضيف الكريم اللي هزم زمرة الفيل = ماخاب من عند الكرب يلتجيله

ويقطعك يادنيا الشقا والغرابيل = كم فرق بين الخليل وخليله

صفو السعاده يقتفيها عراقيل = ونكباتها مابين يوم(ن) وليله

ويالله يامن تدفع الجيل بالجيل = تجعل مقره فالجنان الظليله

وأجعل عوضنا فالرجال المشاكيل= اخوان نايف طيبين الحصيله

وعيال نايف نايفين المناهيل = أهل المكارم والدروب الجميله

وصلاة ربي عد ماينبت السيل = على الرسول المصطفي والفضيله[/poem]

[align=center]الشاعر / حمود بن زايد السليس العتيبي[/align]

[khalid"AL:mokaty]

[poem= font="MS Sans Serif,5,darkred,normal,italic" bkcolor="transparent" bkimage="backgrounds/19.gif" border="none,4,gray" type=0 line=0 align=center use=ex num="0,black"]
فقدت ليث الجود و الجـاه حلحيـل=حلحيل شيـخ يحلحـل المستحيلـه[/poem]


مشكووووووووور اخوي على نقل هذي القصيدهـ الجميله بمعانيها

الجزله.


لاهنت يابن العم .
ننتظر جديدك"
تقبل مروري

[إبن ثعلي]

مابكي على الدنيا ولا خوفة الميـل فقدت سيف(ن) من سيوف القبيلـه

الله يرحم الشيخ نايف بن عبد المحسن بن حميد ويسكنه فسيح جناته
ولاهنت يااخ رائد على نقل هذه المرثيه الرائعه وصح السان قائلها

[رايد المقاطي]

[align=center]يسعدني

مروركم الذي عطر الصفحه[/align]

[كــــآتــم المـــــعنى]

رايد المقاطي



حياك الله وبيض الله وجهك على نقل القصيدة وصح لسان حمود بن زايد وسلمت يمين ناقلها



ننتظر جديدك يا رايد فلا تحرمنا منه


تحياتي

[رايد المقاطي]

الله يسلامك

ويسعدني مرورك