مثله مثل بوش وانا كني عراقي

[ذايع]

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]


ماعاد لي فيك لاحيلٍ ولا حيله=ضاعت ظنوني وضاعت هقوة الهاقي

عزي لحالي ومن مثلي ياعزيله=كثر الجفا من حبيبي شيّن اخلاقي

الله يلومه بعد ماكنت كليله=يامر وينها وانا له طوع منساقي

من كثر حبي اصدق كل تضليله=واثره مثل ماطلب اعناقه يبا عناقي

افز له كل مايشر بمنديله= واجيه عجلٍ واعبر له عن اشواقي

ماهمني شرهة العاذل ولا قيله=ولا حسبت الخطر لو دمي يراقي

اسابق الوقت لعيونه واغنيله=واصبحت انا والزمان بجهد وسباقي

مخلص وموفي بحبي له وتدليله=وش عاد بيدي انا بعطيه وش باقي

شلت الوفا واحسب انه مثلي يشيله=واثره نواني بغدر وناوي فراقي

اسمع كلامه ولا افكر بتحليله=في خاين العهد مادري ويش انا لاقي

وليا سمعت النصيحه قلت وش هيله=خلوني بصحبته مادام لي راقي

واقول خلي و عانوها منازيله=مسكان خلي تربع وسط الاعماقي

ظالم بحكمه علي يجيد تمثيله=مثله مثل بوش وانا كني عراقي

من خان في عشرته علي تبديله=يحرق اوراقه وقبله بحرق اوراقي

عذبني الوقت في كثرة بهاذيله=اصبحت في هم وهمي كيف ينطاقي

يالله يالله انا طالبك تعديله=الوقت مايل وانا صدري منه ضاقي

ماغيرك احدٍ يشيل الهم ويزيله =يالله انا طالبك من نارك اعتاقي[/poem]

[فلان الفلاني]

[align=center]

ماغيرك احدٍ يشيل الهم ويزيله
يالله انا طالبك من نارك اعتاقي

اللهم امين


ذايع

صح لسانك مليون



ولا تكفي ..[/align]

[ناصر بن سعدي]

الغالي

ذايع


صـــح لسانك مليــون ..


قصيــده رائــعه ..إلى أقصى حــد ..


صــح لسانك لين ترضى ..


مع تحفظي على هذا الشطــر

يحرق اوراقه وقبله بحرق اوراقي


وتقبــل خالص تحياتي ..

[عادل العصيمي]

ذايع

صح لسانك

قصيدة جزلة لاهنت

تحياتي

[المـاشي]

[align=center]شاعرنا الفذ


ذايع


صح السانك ولاهنت


لا فض فوك ولا جف مدادك


تحياتي وتقديري[/align]

[عبدالله المرشدي]

صح لسانك ياذايع

قصيده رائعه

تحيتي لك

[قوت القلوب]

صح لسانك
اخي ذايع
قصيده مره رائعه
وكلمات اروع
لك كل الود
تحيااااااتي

[ظافر العتيبي]

صح لسانك يا ذايع

وهذا الشطر عليه ملاحظة:

يحرق اوراقه وقبله بحرق اوراقي