قصيدة لشاعر بقيران الشيباني يرحمه الله تنشر لاول مرة

[فهد الحافي]

يا بقيران القصيدة لصنيتان الشيباني وتأكيدا على كلامي هالسالفة:

الملك فيصل الله يرحمه كان يشيلها هو والامير سعود الكبير (ابو السامر) في المقناص ويقول القصيده هذي لمن وكان الامير سعود لا يعلم لمن وبعد فتره (تحديدا بعد وفاة الملك فيصل) قابل الامير سعود صنيتان وعلموه اخوياه انها لصنيتان وسئل صنيتان وحلفه بالله فاعترف صنيتان انها له وأقول اعترف لان القصيده كان فيها ابيات في الدولة
والموقف هذا حضره جدي (عناد الحافي )

وتأكيدا على كلامي ايضا انك لازلت تكتب البيت غلط

وهذي كتابتك :انا كل ما حيت في المراح انياق
وهذا شطر غير موزون اما كتابتي:انا كل ماحطيت لي فالمراح نياق
شطر موزون وبحره المنكوس
اما بالنسبة لقصيدة :يارازق اللي قليلات(ن) محاويشه
فالصحيح ان هناك اختلاف
فمن الناس من يقول انها لبقيران
ومن الناس من يقول انها لصنيتان
والكلام الاكيد انها لصنيتان ولكن اشتهرت بأسم بقيران
واتمنى أني افدتك
واكرر واقول كلامي عتاب اخ لاخ