(اسمحوا لي .إسمحوا لي...هكذا وإلا فلا )أبوعتيبـــــــــه

[أبوعتيبه]

[poem=font="Simplified Arabic,4,crimson,normal,italic" bkcolor="transparent" bkimage="" border="groove,8,purple" type=2 line=0 align=center use=ex num="0,black"]
(اسمحوا لي .إسمحوا لي...هكذا وإلا فلا )أبوعتيبـــــــــه

منذو25عاما(أي ربع قرن ) لم اقرأ أو أكتب شعرا يفرض نفسه على الذاكرة فعدت الى أدراجها
فجادت لكم بهذة الأبيات ارجو أن تستمتعوا بها ولكم تحياتي،.


( يا عاذلي ليتك تجرب عذابي = حتى تكف اللوم عني وأنا أرتاح )

( فرق بعيد بين ما بك وما بي = يا ليتها يوم تطارك الأشباح )

(من قبل حينه مقدم الراس شابي = وأنا على جمرالغضا وأنت مرتاح )

( ذقت التعاسة من بداية شبابي = ماأذكرنهار خاطري فيه منساح )

( من لاهب بين الحنايا سطابي = لا هو بقاضي لي ولا هو بمنزاح )

( همن يخاتلني وهمن غدابي = وهمن على مـد النظر تو ما لاح )

(أدله مع الداله وأنا نقل صوابي = وأفراجها عند الولي مجر الأرياح )

( يالله يا وامر حقوق السحابي = يا عالم ماكن صدري وما باح )

(عليك شكوى حالتي وإحتسابي = تفرج لمن جاده صوابه ولا ناح )

( أون في ليلي ونين المصابي = وأصبح خلي البال مع كل مزاح )

( أضحك مع اللي لاهي ما درا بي = وأغالط النفس الحزينه بالأفراح )

( ما ودي أكشف للمقرد إحسابي = بعض العرب ياطا رفيقه ليا طاح )

مع تحيات /(أبومحمد)[/poem]

[ناصر بن سعدي]

حجـــز لـ الترحيب ..بالشاعر الجديد أبو عتيبه ..


ولـ القراءه ..

ولي عــوده ..

[فهيد مقعد الرويس]

[align=center]الله الله

صح السانك

يابوعتيبه

ابداع لاهنت

تقبل اطيب اتحيه[/align]

[عبدالله المرشدي]

رائعه يابو عتيبه

صح لساانك

تحيتي لك

[أبوعتيبه]

[align=center] لا هنت أخوي ناصرابن سعدي الله يحييك


أخوك / أبوعتيبه متواجد مع قرائه على طول....

وإن كان بعدة أسماء مستعارة فهو موجود بإستمرار


لك جزيل الشكر اخوي ناصر.

وتقبل تحيات/ أخوك أبوعتيبه[/align]

[أبوعتيبه]

[align=center] وصح لسانك أخوي وسيع البنايد


ولسان شاعرنا أبومحمد


وهذا من طيبك يالغالي



جعلك سالم ياذيب.


مع تحيات/
اخوك أبوعتيبه[/align]

[أبوعتيبه]

[align=center] وصح لسانك أخوي عبدالله المرشدي


ولسان شاعرنا أبومحمد


وهذا من طيبك يالغالي




مع تحيات/ اخوك أبوعتيبه[/align]