[poem=font="Simplified Arabic,4,white,bold,normal" bkcolor="transparent" bkimage="backgrounds/26.gif" border="solid,4,gray" type=0 line=0 align=center use=ex num="0,black"]
يا قديم الغوص في بحر الهـوى
وش لقيت بغبة البحـر الغزيـر
علم اللي جس شطـه واهتـوى
ما بعد جرب طويلـه والقصيـر
قالوا انه من جميع أمـر حـوى
فيه سر وفيه شر وفيـه خيـر
واسمع انه من ركب موجه دوى
من فعل موجه غريقه بستجيـر
واسمع انه من لمس شطه غوى
ما يفرق بيـن بحـره والغديـر
واسمع انه من على تركه نـوى
يجذبه سحره ويرجع له كسيـر
لو تجرح فيـه قلبـه واكتـوى
ما يتوب ولا يريـح ويستخيـر
وش جمع حلوه على مره سـوا
هي حلاة الحب في الكاس المرير
رغبوني لين قلبـي لـه هـوى
وانذروني لين صدقـت النذيـر
خوفوني منـه والقلـب التـوى
راغب ومعيف والخايـف يحيـر
هو صحيح ان الهوى ماله دوى
خبر اللي جاك عانـي يستشيـر [/poem]
| 
|
10-17-2005, 06:06 PM
المواضيع المتشابهه
العرض المتطور
