السلام عليكم ورحمة الله وبركاته
قصيدة للشاعر /غازي بن عون العتيبي موجهه للشعراء عايض سعد المروجم وعبدالله بن هادي بن معجب وعبدالله بن سعد المشعبي بعد زيارتهم له في الحوميات والردود من الشاعر عايض المروجم
[poem=font="Simplified Arabic,4,white,normal,normal" bkcolor="black" bkimage="backgrounds/3.gif" border="double,4,firebrick" type=0 line=0 align=center use=ex num="0,black"]
مجي المروجم وابن معجب وابوراكان=على الروس تاج مايقدر بالاثماني
ثلاثة نشاما كنهم في الحياة اخوان=وهم من رجال سبيع ورجال شهراني
حداهم من السبعان واثنين من شهران=وبالطيب كل منهم اعبر من الثاني
ترى الطيب بوجيه الرجاجيل له عنوان=وانا اعرف رموز الطيب في وجه الانساني
ترى جوهر الرجال قلب زكي ولسان=ونطق اللسان لقيمة العقل ميزاني
صدور الرجال بيوت مقفولة البيبان=والالسن تصير الها مفاتيح بيباني
تغر المضاهر قبل ماينطق الانسان=ومتى ماهرج لك كل مايختفي باني
تشابه جروم اهل المروات والرديان=والافعال تفرق بين مسلم ونصراني
غمرونا اهل الاحسان بالطيب والاحسان=عنوا من بلدهم غيرنا مالهم شاني
مشوا من ورا خشرم وحنا وراالقهبان=ولفتنا السعاده يوم جونا مسياني
واخذنا لنا ليل من اليال بن سران=وكسبنا من المحار لولو ومرجاني
وياكبر معروف النشاماعلى العتبان=ولاينجحد معروف خطلان الايماني
[/poem]
رد المروجم
[poem=font="Simplified Arabic,4,white,normal,normal" bkcolor="transparent" bkimage="backgrounds/3.gif" border="double,4,red" type=0 line=0 align=center use=ex num="0,black"]
هلا بالجواب اللي لفانا من الروسان=عددماانتثر من صادق الغيم وداني
وعدد ماانتحى به سيل ثلاثة الوديان=وعددما ارتوى من سيلها كل عطشاني
هلايازرق الكمبود لافاح في ديوان=هلا ياتعابير المحبه والاشجاني
بعدجات هلاياعبير المسك يانفحة الريحان=هلايانسايم روضة عقب وداني
صار الفكر من طيبها نشوان=سبح في فضا عذب المعاني والاوزاني
رقا به سمو افكار غازي على مابان=وفتح له على روض اعذب الشعر بيباني
عطانا من اطيب طيبات السمان سمان=غزايز عقيد ساقها قدم الاظعاني
من الشيخ غازى شاهر الصيت والعنوان=سلايل حرار تكرم الضيف والعاني
ياطيب الكلام اللي يقولونه الشيخان=على طيب نوهتهم دليل وبرهاني
اقوله ونا صدري لهم بالغلا مليان=ولولا الغلا مادرهم النضو عجلاني
ياليت النخل ينساق ويباري الاظعان=لااسوقه مع الروسان واصير روساني[/poem]
| 
|
02-23-2008, 10:48 AM
العرض العادي
