تفداك عتيبه وقحطان-سعوديه صابره

[صقر قحطان]

[align=center]هذا ما قالته فتاة الله يهدينا وياها تحت توقيع سعودية صابرة في رسالة جوال

انتشرت في الاونه الأخيرة بعد ما شافت سعد بن رفيق الحريري ووسامته.






تفداك يا سعد عتيبة وقحطان *** وتفداء عيال الحريري قبايل

يا ليتني معك في وسط لبنان *** ولا شفت ضبان عليها فنايل


[align=center]خلوووووووووووووها[/align]






قال التميمي من هوى الرأس قيفان *** ردٍ على اللي حوّقت بالمثايل

ياللي تقولين (الحريري سعيدان)*** يسوى القبايل مع عيال الحمايل

اضن فيك العرق ضارب وعطلان *** ويحتاج له وزنه إذا كان مايل

ماجيتي عاد إلا عتيبة وقحطان *** يا مقربه بالنار يم الفتايل

هذولا ناس بالجزيرة لهم شان *** وترعى إبلهم بالحزم والسهايل

تلقينهم يا بنت لا ثار دخان *** والهرج لا خلص وجت الفعايل

من تجربه ما هو على قولة فلان *** حطهم على يمناك وقت الصمايل

ولا هان من يقرأ بيوتي ولا هان *** كل البدو واللي سكن يم حايل

أما أنتي يا بنية عشيرك بلبنان *** ترجين من غيم ٍ بعيدٍ مسايل

أتعوذي يا بنت من كل شيطان *** يخب على مثلك حمار القوايل






منقووووووووول[/align]

[ريومه العصيمي]

صراحه البنت ماعندها حق والله ان سعيدان ما يسوى اصغر واحد من عتيبه وقحطان يا الله يحفظهم بس......

والرد صراحه قمه يجنن واحلى شي فيه...

أتعوذي يا بنت من كل شيطان *** يخب على مثلك حمار القوايل

هههههههههههههه يمكن هذا بعد يخب عليها.....


تقبل مروري

[حسام هوازن]

يكرمون عتيبة وقحطان
عن الكلام السطحي
والرجال مخابر مهو مناظر
اللي تكلمت فيه هالفتاة
والله يعز عتيبة ويعز قحطان
ويعز كل قبايل الجزيرة العربية
وبيض الله وجه الشاعر التميمي

تقبل تحياتي ياصقر قحطان

[ولدرووووق]

مجنونه هالقحطانيه شافت اللبناني وتبي تبيع كل شي لعيونه هههههههه

[ولــ منجوم ـــد]

[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
لاحول ولاقوة الابالله

يابنت ياللي عندك العقل تعبان= انتي ومن سميتي انا نفايل[/poem]

[إبن ثعلي]

يالربع خلوها تغني على كيفها مادروا عنها عتيبه وقحطان
ولاهنت ياصقر قحطان على نقل الموضوع
تحياتي لك

[البجاديه99]

بيض الله وجهك ياراعى الرد

[نجم511]

كل يوم طالع لنا وحده(..........) وتقول عتيبه وقحطان اقول الشرذمه وااااااااااااجد