نصيحتي لك

[نوف]

نصيحتي لك

ياقلبي هونها عسى السعد فالك
الله يفرجها على كل مهموم

ياقلب ما أنت اللي وحيد لحالك
كم واحد قبلك متيم ومظلوم

خل الأمل باللي عليم بحالك
وأعلم ترى ماصار لك شيء مقسوم

لاخاب ظنك في رفيق قبالك
وش ترتجي من اللي على شمسه غيوم

كم واحد شرف وسير وجالك
وقت الرخاء ياكثر من جاك بالكوم

وعند الشدايد كل منهو سعى لك
يقول انا ماني بلاماك ملزوم

هو ليه تافي بواحد ماوفى لك
لاطايله عذل ولاطايله لوم

نصيحتي لك من عزيز صفى لك
عليك باللي كنه طويق مزموم

صديق مخلص لك على مابدى لك
سيد سديد الرأي من عالي القوم

اما الرديء لاتصدقه لي حكى لك
من جانبه لابد ما تسمع علوم

هذي نصيحه مخلص قالها لك
دنياك لو تصفى فلا يمكن تدوم


وسلامتكم

مع أرق تحيه لأحسن أعضاء

[إبن ثعلي]

صح السانك يانوف قصيده رائعه جدا
تحياتي

[نوف]

تسلم بن ثعلي على مرورك ولاهنت الله يحفظك



تقبل صادق الود