أمجادنا من فوق ذيك المجرات

[سلطان الحويقل]

[align=center]هذه القصيدة تحكي تاريخ اجدادي؟

اتمنى أن تنال اعجاب أعضاء وقراء هذا المنتدئ العريق

ـــــــــــــــــــــــــــ

ياليل ساعدني على بدع الابيات
شين طرالي سيرته وي سيره

مادامها راحت لعد الــبــــطولات
فالجاش علمن وهتويت تعبيره

حنا لنا في نجد صولة وجولات
بالريفل وبالمارتي والذخــــيره

يوم المغازي بطش قوة وصملات
افعالنا تعرف وسط كل ديــــره

مدهالنا رؤس الجبال المنيفـــات
وهقواتنا من فضل ربي كبيــره

وامجادنا من فوق ذيك المجرات
يوم كلن قام يشعب بعـــــــيــــره

جدودي مروين حد الرهيـــــفات
عزوة هل الوضحى لياشب نيــره

من فوق سرد الخيل عاصين ورمات
بالمالطي طشو رجالن شــــهــــيره

محمد وعجران لا راحت وجات
من هازهم باالكون حاسو مريـــره

فراج قسمه مع هل الطيب طالات
حرآ ويعرف في الأكاون مطــــيره

رفاع ون قلته له البيض رايات
الخلق تعرف طلته من هــــديـــره

يثنون دون البل لياجات دقلات
ويوردون ارماح هندن خـــطــيره

مضرابها وسط الظلوع الغليقات
من وقعت في زاره انهت مصيره

وعالي له فعولن طوالن عريقات
ستر البنات مدورات الســتـــيـره

عقب حرار فألجبال الطويلات
ميكارهم رؤس الجبال الوعــيره

خالد ولد عالي ليا جات شنات
فاالكون يخلف هقوت اللي يديره

وكلن خبر مطلق ومركاض سمحات
من فوقها ضد الجموع الغـفــيره

صفر الحويقل باالسنين الشحيحات
مرباطها عنده ولاعند غـــيـــــره

اليا اعتلوها ثم جاتك مغيرات
سهوم المنايا فاالليال العســــيره

يوم الرميثي دون حزه وميقات
حل القضا والحرب صيح نـــذيره

معاد فيها حل والفوت قد فات
كلن كرب في حزامه وطق زيـــره

كن المشوك باالوغا نور لمبات
وحد السنايق ماطراله قـــريـــــره

ابن رشيد اللي طمع في الصعيبات
في كف مطلق طاح شيخ العشيره

صارت على ربعه مصايب ونكبات
كسيرتن ياحيه من كســـــيـــــــــره

عنده منيع احلف برب السموات
وحطه رديفه فوق ظهر المــــغـيره

لولا نخاوي والده كان قد مات
ولزار حايل والعليم وســــــمــــيـره

ومن كف متعب جاب سيفن وجوخات
سيفن يروع قبل حده جــــــفيــــــره

وستت عشر قباء غصيبه قليعات
كسب اليمينه يوم شبت ســـعـــيــره

علمن صحيح وفوقه شهود وثبات
مثل وضوح الشمس عند الظـهيره

وباق القبائل نعم مره ومرات
هضمت حقوق الناس شر وشريره

كلن وراء حقه يخوض المهمات
ويتعب ركابه في كبير وصغــــــيره

وسلامتكم

الشـــاعر / سلطان بن نايف الحويقل[/align]

[إشراقات]

[poem=font="Simplified Arabic,4,darkred,bold,normal" bkcolor="transparent" bkimage="../backgrounds/24.gif" border="solid,4,gray" type=2 line=0 align=center use=ex num="0,black"]
حنا لنا في نجد صولة وجولات = بالريفل وبالمارتي والذخــــيره

يوم المغازي بطش قوة وصملات = افعالنا تعرف وسط كل ديــــره

مدهالنا رؤس الجبال المنيفـــات = وهقواتنا من فضل ربي كبيــره

وامجادنا من فوق ذيك المجرات = يوم كلن قام يشعب بعـــــــيــــره[/poem]


قصيــده غايـه في الروعــه .. بيض الله وجهـك .. لا خلا ولاعــدم

[سلطان الحويقل]

شكرا" ووووووووووووبيض الله وجهك على تعليقك على القصيده وشهدك اعتبرها وووووسام شكرا"

[ابن مسلم]

الحويقل

والنعم إبك وباجدادك وبعتيبه كلها من غير قصور بالقبايل

بيض الله وجهـك

[ناصر بن سعدي]

ونعم ..والله ..


وصح لسانك...



ودمت كما أحببت ,,

[عبدالله المرشدي]

الحويقل


صح لسانك


وعلى شانك


والنعم

تقديري

[سلطان الحويقل]

بيض الله وجيهكم
ولاقصرتو
ووووووافين وعسسسسسسسسسسساكم ذخـــــــــــــر
واسف
على الـــــــــــــــــــرد المتأخــــــــــر

[سلطان الحويقل]

بيض الله وجيهكم ولاعليكم زووووووووووووووود

[ناصر الحربي]

سلطان


صح لساانك ولاهنت


ابدعت واجزلت


تحياتي

[سلطان الحويقل]

ماقصرت يالحربي وشكرا" على تعليقك المتميز