الــــمــــــصـــــــــيـــــــــــبـــــــــــــه

[عــمـــر]

[align=center]المصيبه لاطعنك اللي تعـزه فـي ظهـرك
وانت غافل مادريت الا بعد رمحـه طعنـك
من ذهول الصدمه اللي عشتها ياقف شعرك
خص لامن جات من شخصٍ رفيق لك ومنك
تظلم الدنيا بعينـك ماتقـدا فـي بصـرك
تنغبن والعقل كنه بالحلـول يغيـب عنـك
تبتلش بين الشجاعه والرفيق اللي خسـرك
ياترد الصـاع والا تنغبـن باقـي زمنـك

:)
صح السانك ولاهنت على هالرائعه , انا قريتها اكثر من مره , وكل مره تعجبني اكثر,
لاهنت ياغالي ولاهان راسك , ومشكور ويعطيك العافيه


راح يبقى في خفوقك جرح ذكرا من غدرك
وبصمةٍ سودا على وجهٍ حشمته وامتحنـك
يامقر الطيب قلي بالطفايـس وش حشـرك
وش يجيبك وسط ناسٍ خبثها سيله دفنـك
عشرة الجهال والانذال فيهـا وش جبـرك
خلاها تولي وتلقى رفقـةٍ تعـرف ثمنـك
يازمان الغـدر يكفـي لاتورينـي قشـرك
لاتراهني كفايـه فكنـي واكسـب رهنـك
يازمن يدور يومك مع سنينك مع شهـرك
وبالنهاية تفجع اللي ماعرف قدرك ومنـك[/align]